«قايرات» كلۋبىندا - جاڭا باپكەر
قۇربان بەردييەۆ «قايراتتىڭ» باس باپكەرى اتاندى، دەپ حابارلايدى almaty-akshamy.kz الماتىلىق كلۋبتىڭ ينستاگرامداعى پاراقشاسىنا سىلتەمە جاساپ.
52 جاستاعى باس باپكەرمەن كەلىسىم ماۋسىم سوڭىنا دەيىن جاسالدى. قوس تاراپ ىنتاماقتاستىق مەرزىمىن تاعى ەكى جىلعا ۇزارتا الادى.
ونىڭ كومەكشىسى رەتىندە «روستوۆتا» بىرگە جۇمىس ىستەگەن دميتريي كيريچەنكو تاعايىندالاتىنى بەلگىلى بولدى.
بەردييەۆ وسى ۋاقىتقا دەيىن كلۋب يەسى قايرات بورانبايەۆتىڭ كەڭەسشىسى قىزمەتىن اتقاردى.
ەستەرىڭىزگە سالا كەتەيىك، جاتتىقتىرۋشى بۇعان دەيىن «قايراتتى» 1991-1993 جانە 1994-1995 جىلدارى باپتاعان ەدى.
ايتا كەتەيىك، الماتىلىق كلۋبتىڭ بۇرىنعى باپكەرى كيريلل كەكەر كومانداسى ەۋروپا ليگاسىنىڭ ءۇشىنشى ىرىكتەۋ كەزەڭىندە ارمەنيالىق «الاشكەرتتەن» ۇتىلعان سوڭ ورىنىن بوساتقان ەدى.
«قايرات» قازىرگى تاڭدا قپل تۋرنير كەستەسىندە ءۇشىنشى ورىنعا جايعاسقان. كوماندا كونفەرەنسيا ليگاسىنىڭ توپتىق كەزەڭىنە شىعۋعا جاقىن.