«قايرات» فۋتزال كومانداسى چەمپيوندار ليگاسى ەليتالىق ساتىسىنداعى ەكىنشى ويىنىن سلوۆەنيانىڭ «دوبوۆەس» كومانداسىنا قارسى وتكىزدى.
ويىننىڭ 3-مينۋتىندا سلوۆەنيالىق قورعاۋشى ءوزىنىڭ قاقپاسىنا گول سوعىپ الدى. «قايراتتىڭ» ويىنشىلارى 15، 17-مينۋتتا ەسەپتى ۇستەمەلەي ءتۇستى، دەپ حابارلايدى Almaty-akshamy.kz.
24.kz اقپاراتىنشا، ەكىنشى كەزەڭدە قازاقستاندىق كوماندا سول باسىمدىقتى ارتتىردى. كەيىن قاقپاعا ءتورت دوپ سالدى. ايتا كەتسەك، قازاقستاندىق ۇجىم قازىرگە دەيىن «بەنفيكادان» 2:3 ەسەبىمەن جەڭىلسە، «پريشتينانى» 11:2 ەسەبىمەن ءسۇرىندىردى.
تۋرنير كەستەسىندە «بەنفيكا» مەن «قايرات» كوماندالارىندا التى ۇپايدان بار. ءوزارا كەزدەسۋىندە جەڭىسكە جەتكەن پورتۋگاليالىق كلۋب «تورتەۋدىڭ فينالى» ساتىسىنا جولداما الدى.