"قايرات" فۋتبولشىلارى دانياعا اتتاندى. "كوپەنگاگەن" – "قايرات" كەزدەسۋى 26 قاراشادا استانا ۋاقىتىمەن 22:45-تە "پاركەن" ستاديونىندا وتەدى، - دەپ حابارلايدى aqshamnews.kz ءتىلشىسى 1bol.kz-كە سىلتەمە جاساپ.
الماتىنىڭ "قايرات" فۋتبول كلۋبىنىڭ ويىنشىلارى ۋەفا چەمپيوندار ليگاسىنىڭ كەلەسى ءماچى ءۇشىن دانياعا جول تارتتى.
كوماندانىڭ اۋەجايعا كەلگەن ساتىنەن تۇسىرىلگەن ۆيدەونى كلۋبتىڭ باسپا ءسوز قىزمەتى جاريالادى. چەمپيوندار ليگاسىنىڭ 5-تۋر اياسىنداعى "كوپەنگاگەن" – "قايرات" كەزدەسۋى 26 قاراشا كۇنى، استانا ۋاقىتىمەن 22:45-تە "پاركەن" ستاديونىندا وتەدى.
ءتۋرنيردىڭ بۇل كەزەڭىندە ەكى كوماندا دا ءالى جەڭىس تويلاعان جوق. ەكى كلۋبتىڭ دا جيناعانى – 1 ۇپاي. تۋرنيرلىك كەستەدە "كوپەنگاگەن" 33-ورىندا بولسا، "قايرات" 34-ورىندا تۇر.
كلۋبتىڭ چەمپيوندار ليگاسىنداعى قالعان ماچتەرى:
- 26 قاراشا: "كوپەنگاگەن" – "قايرات" (22:45)
- 9 جەلتوقسان: "قايرات" – "وليمپياكوس" (20:30)
- 20 قاڭتار: "قايرات" – "بريۋگگە" (20:30)
- 29 قاڭتار: "ارسەنال" – "قايرات" (01:00)
جاريالانعان ۆيدەودان كوماندانىڭ بارلىق كوشباسشىىنىڭ، سونىڭ ىشىندە كلۋبتىڭ باستى جۇلدىزى داستان ساتپايەۆتىڭ ساپقا قوسىلعانى بايقالادى.
دانياعا ساپار "قايرات" ءۇشىن وڭاي بولمايدى: الماتى مەن كوپەنگاگەننىڭ اراقاشىقتىعى - 6422 شاقىرىم.
چەمپيوندار ليگاسىنىڭ "كوپەنگاگەن" – "قايرات" ءماچى 26 قاراشادا، استانا ۋاقىتىمەن 22:45-تە باستالادى.