ءجارىسسوز 14 ناۋرىزدا استانا قالاسىنىڭ №2 سارىارقا سوتىندا بولۋى ءتيىس ەدى
سوت قوسىمشا ۋاقىت بەرۋدى سۇراعان مەملەكەتتىك ايىپتاۋشى تاراپتىڭ ءوتىنىشىن قاناعاتتاندىرىپ، كاسىپكەر قايرات بورانبايەۆتىڭ ءىسى بويىنشا ءوتۋى ءتيىس ءجارىسسوز كەيىنگە قالدىرىلدى، دەپ حابارلايدى Almaty-akshamy.kz.
كاسىپكەر قايرات بورانبايەۆتىڭ ءىسى بويىنشا تاراپتاردىڭ ءجارىسسوزى 14 ناۋرىزدا استانا قالاسىنىڭ №2 سارىارقا سوتىندا بولۋى ءتيىس ەدى. الايدا، مەملەكەتتىك ايىپتاۋشى-پروكۋرور باۋىرجان شەكەنوۆ وزىنە قوسىمشا ۋاقىت بەرۋ تۋرالى سوتقا ءوتىنىش ءتۇسىرىپ، ءىس بويىنشا جاعداي وزگەرگەنىن مالىمدەدى.
"ق ر قىجك-نىڭ 340-بابى، 5-بولىمىنە سايكەس، ەگەر باستى سوت تالقىلاۋى بارىسىندا سوتتالۋشىعا نەعۇرلىم اۋىر ايىپ تاعۋ نەمەسە باستاپقى ايىپتان باسقا ايىپ تاعۋ قاجەتتىلىگى تۋىنداسا، سوت ءىستى قاراۋدى كەيىنگە قالدىرادى جانە پروكۋرورعا جاڭا ايىپتاۋ اكتىسىن جاساۋ ءۇشىن قاجەتتى ۋاقىت بەرەدى. وسىعان بايلانىستى ايىپتاۋشى تاراپ جاڭا ايىپتاۋ اكتىسىن تولتىرۋ ءۇشىن ۋاقىت بەرۋدى سۇراپ، ءوتىنىش بىلدىرەدى، ويتكەنى قىلمىستىق ءىس بويىنشا ءمان-جايلار وزگەرەدى جانە بۇل جاڭا اكتىدە كورسەتۋدى تالاپ ەتەدى"، - دەدى پروكۋرور باۋىرجان شەكەنوۆ.
№2 سارىارقا سوتىنىڭ سۋدياسى نازگۇل باپاقوۆا ايىپتاۋشى تاراپتىڭ ءوتىنىشىن قاناعاتتاندىرۋ تۋرالى شەشىم شىعاردى. سوت وتىرىسىنا 17 ناۋرىزعا دەيىن ءۇزىلىس جاريالاندى، دەپ جازدى Zakon.kz.
قايرات بورانبايەۆ پەن "ازيا گازچۋندجا" ءجشس-نىڭ نەگىزىن قالاۋشى ەكىنشى ادام رومان ناحانوۆقا وزدەرىنە سەنىپ تاپسىرىلعان بوتەن مۇلىكتى جىمقىرۋ جانە جىلىستاتۋ، زاڭسىز اقشانى جانە مۇلىكتى زاڭداستىرۋ، قىلمىستارعا جاردەم كورسەتۋ تۇرىندە ايىپ تاعىلدى.
اتالعان ءىس بويىنشا سوت پروسەسى استانادا 2022 جىلى 30 جەلتوقساندا باستالدى.