قايرات بورانبايەۆقا تيەسىلى گاز كومپانياسىنىڭ اكتيۆتەرى بۇعاتتالدى

باس پروكۋراتۋرا ءىستى سوتتىڭ قاراۋىنا جىبەردى.

قارجىلىق مونيتورينگ اگەنتتىگى «ازياگازچۋندجا» ج ش س قۇرىلتايشىلارى قايرات بورانبايەۆ پەن رومان ناحانوۆقا جانە «Qazaq Gaz» اق باسقارما ءتوراعاسىنىڭ بۇرىنعى ورىنباسارى تاير جانۇزاققا قاتىستى ءىستى تەرگەۋدى اياقتادى، دەپ حابارلايدى Almaty-akshamy.kz قازاقپاراتقا سىلتەمە جاساپ.

ولارعا سۇيىتىلعان مۇناي گازىن ساتىپ الۋ كەزىندە 14،5 ملرد تەڭگە ۇرلاۋ جانە قىلمىستىق كىرىستەردى زاڭداستىرۋ فاكتىلەرى بويىنشا ايىپتار تاعىلۋدا، دەپ حابارلايدى قازاقپارات.

«ۇلتتىق كومپانياعا كەلتىرىلگەن زالال «Qazaq Gaz» اق شوتتارىنا اۋدارۋ ارقىلى تولىق كولەمدە وتەلدى. اياقتالعان ءىس شەڭبەرىندە ازاماتتىق تالاپ قويۋ جانە مۇلىكتى تاركىلەۋ بولىگىندە ۇكىمنىڭ ورىندالۋىن قامتاماسىز ەتۋ ماقساتىندا ايىپتالۋشىلاردىڭ 38 ملرد تەڭگە سوماسىنداعى اقشالاي قاراجاتىنا، 15 جىلجىمايتىن مۇلىك وبەكتىسىنە، 3 اۆتوكولىك قۇرالىنا تىيىم سالىندى»، - دەلىنگەن حابارلامادا.

اگەنتتىك قايرات بورانبايەۆقا جانە باسقا ادامدارعا قاتىستى گاز ەكسپورتى كەزىندە ۇرلاۋ جانە قىلمىستىق جولمەن الىنعان مۇلىكتى زاڭداستىرۋ فاكتىلەرى بويىنشا بولىنگەن ىستەر شەڭبەرىندە سوتقا دەيىنگى تەرگەۋدى جالعاستىرۋدا.

ەستەرىڭىزگە سالا كەتەيىك، قارجىلىق مونيتورينگ اگەنتتىگى قايرات بورانبايەۆتىڭ ۇستىنەن كۆازيمەملەكەتتىك سەكتوردا اسا ءىرى كولەمدە قاراجات جىمقىرۋ فاكتىسىمەن ءىس قوزعاپ، يزولياتورعا قاماعان بولاتىن.

قازىرگى ۋاقىتتا ءىرى مولشەردە، ونىڭ ىشىندە شەتەلدە قىلمىستىق كىرىستى زاڭداستىرۋ بەلگىلەرى بار نەعۇرلىم رەزونانستىق ىستەردى تەرگەپ-تەكسەرۋ ەرەكشە باقىلاۋدا.