قوس تاراپ توعىز قۇجاتقا قول قويدى.
قازاقستان پاكىستان نارىعىنا جالپى سوماسى 411 ملن دوللاردان اساتىن 80-گە جۋىق تاۋار ءتۇرىن شىعارۋعا دايىن، دەپ حابارلايدى Almaty-akshamy.kz ساۋدا جانە ينتەگراسيا مينيسترلىگىنىڭ باسپا ءسوز قىزمەتىنە سىلتەمە جاساپ.
بۇل كەلىسىم يسلامابادتا وتكەن قازاقستان مەن پاكىستان اراسىنداعى ساۋدا-ەكونوميكالىق، عىلىمي، تەحنيكالىق جانە مادەني ىنتىماقتاستىق جونىندەگى ۇكىمەتارالىق كوميسسيانىڭ وتىرىسىندا جاسالدى.
«ءبىزدىڭ كاسىپكەرلەر قازاقستاندىق ءونىمدى پاكىستان نارىعىنا، اتاپ ايتقاندا، ءداندى جانە بۇرشاقتى داقىلدار، وسىمدىك مايى، ماكارون، ۇن مەن كونديتەرلىك ونىمدەردى ەكسپورتتاۋعا، ال قازاقستان ءوز تاراپىنان جەمىس-كوكونىس ونىمدەرىن يمپورتتاۋعا مۇددەلى. بولاشاقتا ءبىزدىڭ ەل پاكىستان نارىعىنا 411 ملن دوللاردان استام سوماعا ءارتۇرلى سالالارداعى وڭدەلگەن تاۋارلاردىڭ 80-گە جۋىق ءتۇرىن جەتكىزۋگە دايىن»، - دەدى ساۋدا جانە ينتەگراسيا ءمينيسترى سەرىك جۇمانعارين.
اتالعان ۇكىمەتارالىق كوميسسيا جۇمىسىنىڭ قورىتىندىسى بويىنشا تاراپتار توعىز قۇجاتقا قول قويدى.
«جۇكتەر ءترانزيتى جانە تاسىمالداۋ بويىنشا ىنتىماقتاستىق تۋرالى مەموراندۋمعا قول قويدىق. قازىرگى كەزدە باسقا الەۋەتتى سەرىكتەستەرمەن قوستانايدان حايراتونعا دەيىن 2 500 توننا ۇن جانە پاكىستاننان جىلىنا 50 مىڭ تونناعا جۋىق كارتوپ تاسىمالداۋ ماسەلەسىن تالقىلاپ جاتىرمىز»، - دەپ توقتالدى قازاقستاندىق Dala Trans ج ش س كوممەرسيالىق ديرەكتورى نۇرسۇلتان ناجىمەتدينوۆ.