قايرات بورانبايەۆ قازاقستاننان قاشۋ ارەكەتى تۋرالى سۇراققا جاۋاپ بەردى
قاماۋعا الىنعان كاسىپكەر قايرات بورانبايەۆ ۇستالعانعا دەيىن ەلدەن قاشۋعا ارەكەتتەنبەگەنىن ايتتى، دەپ حابارلايدى Tengrinews.kz ءتىلشىسى.
استاناداعى سوت وتىرىسىنىڭ ۇزىلىسىندە جۋرناليستەر قايرات بورانبايەۆتان ونىڭ ەلدەن قاشپاق بولعان جەرىندە قاماۋعا الىنعانى تۋرالى قاۋەسەت تۋرالى سۇرادى.
"بۇل - نەگىزسىز اقپارات. مەن سول كەزدە جينالىستاردا بولدىم، كەشكى ساعات 17:00-دە قالىپتى جۇمىس كۇنى كەزىندە مەنى قاماۋعا الدى. مەن بەيجىڭنەن جاڭا كەلدىم (بورانبايەۆ ۇلتتىق پاراليمپيادا كوميتەتىن باسقاردى - ەسك.)، ءبىز وندا قولا جۇلدە الدىق. ءيا، ريگاعا تۇندە، ساعات ەكىدە ۇشامىن دەپ ويلادىم (...) نەگە قاشۋىم كەرەك؟ وسىندا ءتۋىپ-وستىم، اكەم وسىندا جەرلەنگەن، انام دا، بيزنەس تە وسىندا. مەن قايدا قاشۋىم كەرەك؟" - دەدى بورانبايەۆ.