مايك گاللاحەر تيكتوكتى اقش اۋماعىندا پايدالانۋعا تىيىم سالۋ كەرەك دەپ ەسەپتەيدى.
تاياۋدا عانا ينديانا شتاتىنىڭ باس پروكۋرورى جالعان جارناما جاساعانى ءۇشىن «تيكتوكتىڭ» ۇستىنەن سوتقا شاعىم تۇسىرگەن ەدى. جۇڭگو بيلىگىنىڭ قاداعالاۋىنداعى الەۋمەتتىك جەلىگە ۆاشينگتون كۇمانمەن قارايدى، دەپ حابارلايدى اlmaty-akshamy.kz 24 كز تىلشىسىنە سىلتەمە جاساپ.
رەسپۋبليكاشىل دەپۋتات مايك گاللاحەر تيكتوكتى اقش اۋماعىندا پايدالانۋعا تىيىم سالۋ كەرەك دەپ ەسەپتەيدى. جاڭا كونگرەسستەگى ارنايى كوميتەتتىڭ ءتوراعاسى قىتايلىق الەۋمەتتىك جەلى ەسىرتكى سياقتى تەز تاۋەلدىلىكتى ارتتىرادى، اسىرەسە، جاستارعا كەرى اسەر ەتەدى دەپ وتىر. سوندىقتان دەپۋتات «تيكتوكتى» تۇساۋ ءۇشىن تاباندىلىق تانىتىپ، كۇرەسۋگە بەل بۋىپ وتىر.
- امەريكاداعى ەڭ ىقپالدى مەديا-كەڭىستىكتە جۇڭگو كوممۋنيستىك پارتياسى باقىلاۋ جۇرگىزىپ وتىرعانىن قالايمىز با؟ الدىمەن سونى انىقتاۋىمىز كەرەك. بۇل مەنى الاڭداتادى. سوندىقتان سەناتتاعى ارىپتەستەرىم ۇكىمەتتىك قۇرىلعىلاردا «تيكتوكقا» تىيىم سالۋ جونىندەگى زاڭدى بىردەن قابىلداعانىنا قۋاندىم. ەندى ءبىز ۇلتتىق دەڭگەيدە تىيىم سالۋىمىز كەرەك، - دەيدى رەسپۋبليكالىق پارتيا وكىلى مايك گاللاحەر.