قىزۋ دودا بولماق
ۇلتتىق وليمپيادا كوميتەتى دەرەگىنشە، شاڭعىمەن تۇعىردان سەكىرۋدەن قازاقستان كومانداسىنىڭ باس باپكەرى قايرات بيەكەنوۆ سپورتشىلاردىڭ وليمپيادالىق ماۋسىمداعى دايىندىعى تۋرالى ايتتى، دەپ حابارلايدى Almaty-akshamy.kz.
«كوماندا تولىق قۇراممەن جاتتىعۋدا. جىگىتتەردىڭ كوڭىل-كۇيى جاقسى. جازدان بەرى ءوز جوسپارىمىزدى جۇزەگە اسىرۋ ءۇشىن تىرىسىپ كەلەمىز. سپورتشىلار حالىقاراىق جارىستارعا قاتىسىپ، جاقسى ناتيجە كورسەتۋگە كۇش سالۋدا.
قۇراما تاجىريبەلى سپورتشىلاردان بولەك، جاس اتلەتتەرمەن دە تولىقتى. اتاپ ايتار بولساق، سەرگەي كراۆسوۆ، نيكيتا ديەۆياتكين، سۆياتوسلاۆ نازارەنكو جانە يلشات كادىروۆ قاتارعا قوسىلدى. جوسپار بويىنشا قۇرلىقتىق الەم كۋبوكتەرىندە سىنعا تۇسەمىز. الەم كۋبوگى كەزەڭدەرىنەن دارەجەسى تومەن بولعانىنا قاراماستان، وليمپيادالىق ليسەنزياعا تالاسۋ ءۇشىن قاجەتتى ۇپاي جيناۋعا بولادى.
ازىرگە ەكى جولداما الساق دەگەن جوسپارىمىز بار»، - دەيدى بيەكەنوۆ.