ول جەزقازعان قالاسىنىڭ اكىمى لاۋازىمىن ەكى جىلعا جۋىق ۋاقىت اتقاردى
قايرات ءابساتتاروۆ باسقا قىزمەتكە اۋىسۋىنا بايلانىستى جەزقازعان قالاسى اكىمى لاۋازىمىنان بوساتىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قايرات ءابساتتاروۆ جەزقازعان قالاسىنىڭ اكىمى لاۋازىمىن ەكى جىلعا جۋىق ۋاقىت اتقاردى. فەيسبۋكتەگى پاراقشاسىندا قالا تۇرعىندارىنا تۋعان ولكەنى دامىتۋدا بىرلەسە ەڭبەك ەتكەنى ءۇشىن العىس ءبىلدىردى.
«قۇرمەتتى جەرلەستەر، ارداقتى اتا جۇرتىم، قالا اكىمى لاۋازىمىنداعى 2 جىلعا جۋىق قىزمەتىم مارەسىنە جەتىپ، الدارىڭىزدان ءوتۋدىڭ كەزى دە كەلدى.
سىزدەرگە العاشقى كۇننەن باستاپ، اكىم قىزمەتىنە كەلگەن سەبەبىمدى ايتقان بولاتىنمىن - ول تۋعان جەرىمنىڭ، قالامنىڭ جاي-كۇيىن جاقسارتۋعا رياسىز قىزمەت اتقارىپ، ۇلەسىمدى قوسۋ.
وسى ۋاقىتتا قالامىزدىڭ ىستىعى مەن سۋىعىن حالىقپەن بىرگە كوردىم. وزدەرىڭىزبەن «ەستيتىن ۇكىمەت» قاعيداتىمەن اشىق ديالوگ قۇرۋعا بارىنشا تىرىستىم. جۇيەسىزدىك باسىم جاعدايىندا توقىراپ قالعان قالا تىرلىگىن جانداندىرۋ ءۇشىن حالىقپەن ۇندەستىكتىڭ اۋاداي قاجەت ەكەنىن بارىنشا ءتۇسىنىپ، پروبلەمالاردى قوعامعا دا، جوعارعى باسشىلىققا دا اشىق جاريالادىم - بۇل توزىعى جەتكەن قالامىزدىڭ جان-جاقتى جاي-كۇيىن جوعارى جاقتىڭ دا تەرەڭ سەزىنۋىنە جەتكىزۋدىڭ امالى ەدى.
ارينە، بۇل فورماتتاعى جۇمىس اكىمشىلىكتى دە ايامادى - وتكىر سىن دا ايتىلدى، ورىنسىز ءمىن دە تاعىلدى.
دەسەك تە، بۇل باعىت اكىمدىك مەكەمەلەرىنىڭ بەلسەندىلىگىن ارتتىردى. بۇل فورماتتى ۇنەمى ۇستانۋ قاجەت، سەبەبى، مەملەكەتتىك قىزمەتتىڭ حالىقپەن جاريالىلىق تۇردە جۇمىس اتقارۋى «جاڭا قازاقستاننىڭ» تالابى»، - دەپ جازدى ول پاراقشاسىندا.
قايرات ءابساتتاروۆ جەزقازعان قالاسى اكىمى لاۋازىمىنان باسقا قىزمەتكە اۋىسىۋىنا بايلانىستى بوساتىلدى. ازىرگە قالاعا جاڭا اكىم تاعايىندالعان جوق.