قورعانىس مينيسترلىگى قاي ساناتتاعى ادامدار اسكەري قىزمەتتەن بوساتىلۋى مۇمكىن ەكەنىن جانە اسكەر قاتارىنا شاقىرىلمايتىنىن ءتۇسىندىردى.
قولدانىستاعى زاڭناماعا سايكەس، مەرزىمدى اسكەري قىزمەتكە شاقىرۋ بويىنشا مەرزىمىن كەيىنگە قالدىرۋ نەمەسە بوساتۋ شەشىمى اسكەرگە شاقىرۋ كوميسسياسىنىڭ قۇزىرەتىندە، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بۇل تۇرعىدا كەيىنگە قالدىرۋ وتباسى ءارى دەنساۋلىق جاعدايىنا، وقۋىن جالعاستىرعاندارعا، كاسىبي قىزمەتىن اتقارىپ جۇرگەن پەداگوگتەرگە، اۋىلداعى دارىگەرلەرگە، پارلامەنتتىڭ نەمەسە جەرگiلiكتi وكiلدi ورگانداردىڭ دەپۋتاتتارىنا قاتىستى بولادى»، - دەلىنگەن قورعانىس مينيسترلىگىنىڭ جاۋابىندا.
سونىمەن قاتار، الدىن الا تەرگەۋ امالدارىنا تارتىلعان نەمەسە قىلمىستىق iءسىن سوت قاراپ جاتقان ادامدار جاۋىنگەرلىك جيىندارعا شاقىرتىلمايدى.
بۇدان بولەك، ازاماتتىق اۋە كەمەلەرىنىڭ ۇشۋ ەكيپاجىنىڭ مۇشەلەرىنە، ءتيىستى ءبىلىمى بار ازاماتتىق اۆياسيا ينجەنەرلەرى، مەحانيكتەرى جانە تەحنيكتەرىنە، سونداي-اق قۇقىق قورعاۋ ورگاندارىنىڭ ءبىلىم بەرۋ ۇيىمدارىندا العاشقى كاسىپتىك دايارلىقتان ءوتىپ جاتقاندارعا قاتىستى اسكەرگە شاقىرۋدى كەيىنگە قالدىرۋ ءتارتىبى قاراستىرىلعان.
بەيبiت ۋاقىتتا اسكەري قىزمەتكە شاقىرۋدان مىنا ازاماتتار بوساتىلادى:
1) دەنساۋلىق جاعدايى بويىنشا اسكەري قىزمەتكە جارامسىز دەپ تانىلعان؛
2) جيىرما جەتى جاسقا تولعان، زاڭدى نەگiزدەر بويىنشا مەرزiمدi اسكەري قىزمەتكە شاقىرىلماعان؛
3) تۋىستارىنىڭ بiرi (اكەسi، اناسى، اعا-ىنىلەرi نەمەسە اپا-سىڭلىلەرى) اسكەري قىزمەتتى وتەۋ كەزەڭىندە مiندەتىن ورىنداۋ بارىسىندا قازا تاپقاندا نەمەسە ءبىرىنشى نەمەسە ەكىنشى توپتاعى مۇگەدەكتىك بەلگىلەنگەندە؛
4) اسكەري قىزمەتتى باسقا مەملەكەتتە وتكەندەر؛
5) قازاقستان رەسپۋبليكاسىنىڭ ارناۋلى مەملەكەتتىك ورگاندارىندا قىزمەت وتكەرگەندەر؛
6) عىلىمي دارەجەسi بار ازاماتتار؛
7) تىركەلگەن ءدىني بىرلەستىكتەردىڭ ءدىن قىزمەتكەرلەرى.
بۇدان باسقا، بەيبiت ۋاقىتتا اسكەري قىزمەتكە سوتتالعان ادامدار شاقىرىلمايدى.