اپتاپ ىستىقتان ەۋروپانىڭ بىرنەشە ەلىندە القاپتار لاۋلاپ جاتىر.
گرەكيا استاناسىنا جاقىن جەردە ورمان ورتكە ورانىپ، مىڭداعان ادام ەۆاكۋاسيالاندى. كانادا دا جاعداي ۋشىعىپ بارادى. تابيعات اپاتىمەن كۇرەسكە مىڭداعان ءورت ءسوندىرۋشى جۇمىلدىرىلعان، دەپ حابارلايدى Almaty-akshamy.kz 24.kz-كە سىلتەمە جاساپ.
گرەكيا استاناسى افيناعا جاقىن جەردەگى ورمان ورتكە ورانىپ، مىڭداعان ادام ەۆاكۋاسيالاندى. جالىن شاھاردان 30 شاقىرىمداي جەردە نەوس-كۋۆاراس ەلدى مەكەننىڭ ماڭىنداعى القاپتى شارپىعان. تابيعات اپاتىنا بايلانىستى جەرگىلىكتى تۇرعىندار مەن لۋتراكي كۋرورتىنداعى لاگەردەن 1 مىڭنان اسا بالا ءقاۋىپسىز جەرگە كوشىرىلدى. الدىن الا بولجام بويىنشا ءورت ورمانعا قاساقانا قويىلعان. ءقازىر ءتىلسىز جاۋمەن جۇزدەگەن ءورت ءسوندىرۋشى كۇرەسىپ جاتىر. اسكەريلەر جۇمىلدىرىلىپ، تىكۇشاقتار قولدانىلۋدا. ءبىراق ماماندار ءورتتى سوندىرۋگە جەل كەدەرگى كەلتىرىپ تۇر دەيدى.
يسپانيا، لا-پالمادا ورمان ورتىمەن كۇرەس جالعاسىپ جاتىر
يسپانيانىڭ لا-پالما ارالىندا دا وتكەن سەنبى كۇنى باستالعان ورمان ءورتى ءالى كۇنگە دەيىن تولىق سوندىرىلگەن جوق. لاۋلاعان جالىن 50 مىڭ گەكتار جەردى كۇلگە اينالدىرىپ ۇلگەردى. ونداعان ءۇي جانىپ كەتتى. ءورت سوندىرۋشىلەر ارالداعى ورمان ءورتىنىڭ باسىم بولىگىن سوندىرگەن. ءقازىر جالىننىڭ شاعىن وشاقتارىن وشىرۋگە كۇش سالىنىپ جاتىر. تابيعات اپاتىنا بايلانىستى 4 مىڭنان اسا تۇرعىن ءقاۋىپسىز جەرگە كوشىرىلدى.
كانادادا ءورت ءورشىپ تۇر
كانادادا دا ورمان ءورتى باسىلماي تۇر. اسىرەسە بريتانيالىق كولۋمبيا پروۆينسياسىندا جاعداي ناشار. ايماقتا ءقازىر 400-گە جۋىق القاپتى ءورت شارپىعان. جىل باستالعالى لاۋلاعان جالىن وڭىردە 1 ميلليون 200 مىڭ گەكتار جەردى تىپ تيپىل ەتتى. ءتىلسىز جاۋمەن 2 مىڭ ءورت ءسوندىرۋشى كۇرەسىپ جاتىر. سوڭعى بىرنەشە كۇندە 2 ءورت ءسوندىرۋشى قازا بولدى. اقش، مەكسيكا، وڭتۇستىك كورەيا، اۆستراليا، فرانسيا جانە جاڭا زەلانديا جاردەمگە جۇزدەگەن مامانىن اتتاندىرعان. كانادا بيىل ەڭ اۋقىمدى ورمان ورتتەرىن باستاپ كەشىپ جاتىر. جىل باستالعالى ەلدە 10 ميلليون گەكتار جەر كۇلگە اينالعان. بۇل يرلانديا جانە بەلگيا اۋماعىمەن بىردەي جەر.
اقش، كاليفورنيا اپتاپ ىستىقتان ورماندار ورتەنە باستادى
اقش-تىڭ كاليفورنيا شتاتىندا دا اپاتاپ ىستىقتان ورماندار ورتەنە باستادى. ايماقتىڭ بىرنەشە وكرۋگىندە القاپتاردى ءورت شارپىعان. ءتىلسىز جاۋمەن كۇرەسكە جۇزدەگەن مامان جۇمىلدىرىلعان. اقش مەتەورولوگيالىق قىزمەتى نيەۆادا مەن يۋتا شتاتىندا دا كۇن قاتتى ىسىپ، ورمان ءورتى ءقاۋىپى كۇشەيگەنىن ايتادى. قوس ايماقتا الداعى كۇندەرى سىناپ باعاناسى 45 گرادۋسقا دەيىن كوتەرىلەدى دەگەن بولجام بار.