ءماجىلىس ءتوراعاسى ەرلان قوشانوۆ پارلامەنت پالاتالارىنىڭ بىرلەسكەن وتىرىسىندا قاي سالا ماماندارىنىڭ جالاقىسى كوتەرىلگەنىن ايتتى، دەپ حابارلايدى اlmaty-akshamy.kz.
ول دەپۋتاتتار سەسسيادا ءبىرقاتار ماڭىزدى زاڭ جوبالارى بويىنشا ۇكىمەتپەن بىرلەسە جۇمىس ىستەگەنىن اتاپ ءوتتى.
ءبىز باستى قارجى قۇجاتىن – رەسپۋبليكالىق بيۋدجەتتى قابىلدادىق. وسى قۇجات ارقىلى مەملەكەتتىڭ دەنساۋلىق ساقتاۋ، ءبىلىم بەرۋ، الەۋمەتتىك قامسىزداندىرۋ جانە باسقا دا سالاداعى نەگىزگى الەۋمەتتىك مىندەتتەمەلەرىن ىسكە اسىرۋدى قامتاماسىز ەتتى. مىسالى، مۇعالىمدەردىڭ، دارىگەرلەردىڭ، عالىمداردىڭ جالاقىسى كوبەيتىلدى. ولاردىڭ الەۋمەتتىك تۇرعىدان قورعالۋىن كۇشەيتۋ شارالارى قابىلداندى. ستۋدەنتتەردىڭ شاكىرتاقىسى ءوستى، - دەپ ايتتى ەرلان قوشانوۆ پالاتالاردىڭ بىرلەسكەن وتىرىسىندا.
ءماجىلىس سپيكەرى اتاپ وتكەندەي، شامامەن 1،8 ملن جالدامالى قىزمەتكەردىڭ، ونىڭ ىشىندە 350 مىڭ بيۋدجەت قىزمەتكەرىنىڭ اقشالاي تابىسى ارتتى.
بيىل قاڭتار ايىنان باستاپ ەڭ تومەنگى جالاقى دەڭگەيى 70 مىڭ تەڭگەدەن 85 مىڭ تەڭگەگە دەيىن كوتەرىلدى.
وسى سەسسيادا زياندى ەڭبەك جاعدايىندا جۇمىس ىستەيتىن ادامداردى الەۋمەتتىك تۇرعىدان قورعاۋ ماسەلەسىن شەشە الدىق. قابىلدانعان زاڭ وندىرىستە جۇمىس ىستەيتىن 400 مىڭنان استام كوپتەن كۇتكەن ماسەلەسىنە ناقتى جاۋاپ بولدى، - دەپ اتاپ ءوتتى قوشانوۆ پالاتالاردىڭ بىرلەسكەن وتىرىسىندا.