الماتىدا “بۋران-128” پاترۋلدىك پوليسياسىنىڭ ەكيپاجى كەڭ اۋقىمدى رەيد بارىسىندا اباي داڭعىلى مەن بايتۇرسىنوۆ كوشەسىنىڭ قيىلىسىندا موپەد جۇرگىزۋشىسىن ۇستادى، دەپ حابارلايدى Almaty-akshamy.kz
"ول جول قوزعالىسى ەرەجەلەرىن ورەسكەل بۇزىپ، ينسپەكتورلاردىڭ نازارىن اۋداردى. ودان ءارى اتىس قارۋىن زاڭسىز ساقتاۋ دەرەگى انىقتالدى. ساراپتامانىڭ قورىتىندىسىنا سايكەس، ماسەلە اتۋعا جارامدى “وسا” تراۆماتيكالىق تاپانشاسى تۋرالى بولىپ وتىر. بوستاندىق اۋداندىق پوليسيا باسقارماسى زاڭسىز قارۋ ساقتاۋ دەرەگى بويىنشا سوتقا دەيىنگى تەرگەۋدى باستادى. 33 جاستاعى موپەد جۇرگىزۋشىسىنىڭ قارۋ ۇستاۋىنىڭ شىنايى سەبەبى تەرگەۋ بارىسىندا انىقتالادى"، – دەدى الماتى قالاسى پد جپقب پاترۋلدىك پوليسيا پولكىنىڭ كومانديرى ميحايل كان.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى، 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.