بۇگىن تۋريزم جانە سپورت مينيسترلىگىنىڭ 2023 جىلعى قىزمەتى مەن 2024 جىلعا قويىلعان نەگىزگى مىندەتتەرىنە ارنالعان كەڭەيتىلگەن القا ءماجىلىسى ءوتتى
جيىن بارىسىندا تۋريزم جانە سپورت ءمينيسترى ەرمەك مارجىقپايەۆ 2023 جىلى 27 سپورت ءتۇرى بويىنشا وتكەن سپارتاكيادانىڭ قورىتىندىسىنا توقتالدى، دەپ حابارلايدى Almaty-akshamy.kz Elorda.info-عا سىلتەمە جاساپ..
بىلتىر ۇلتتىق قۇرامانى جاساقتاۋ ماقساتىندا 4 جىلدا ءبىر رەت وتەتىن ق ر سپارتاكياداسىنا بارلىق وڭىردەن سپورتشىلار قاتىستى. ناتيجەسىندە الماتى، شىمكەنت قالالارى مەن قاراعاندى وبلىسى الدىڭعى ورىنداردى يەلەندى. ال ەڭ تومەنگى كورسەتكىشتەر اتىراۋ، ماڭعىستاۋ، ۇلىتاۋ وبلىستارىنا تيەسىلى.
"اتىراۋ وبلىسى 27 سپورت تۇرىندە ب ا ق سىناعانىمەن، 1 كۇمىس، 2 قولا جۇلدەگە عانا قول جەتكىزدى. ماڭعىستاۋ مەن ۇلىتاۋ وبلىسى ۆەلوسپورت، سۋ سپورتى تۇردەرى، اۋىر اتلەتيكا، جەڭىل اتلەتيكا، گاندبولدان مۇلدەم سايىسقا قاتىسپادى"، - دەدى ە.مارجىقپايەۆ.
سونداي-اق، مينيستر وڭىرلەردە سپورتتى بىردەي دەڭگەيدە دامىتۋ قاجەت ەكەندىگىن ايتىپ ءوتتى.
"ماسەلەن شىعىس قازاقستان وبلىسىنىڭ باسىم جۇلدەلەرى جەڭىل اتلەتيكادان بۇيىردى. تۇركىستان وبلىسىنىڭ 41% جۇلدەسى كانوە جانە بايداركادا ەسۋگە تيەسىلى"، - دەدى ول.