قاي وڭىردە ەكپە سالۋ كورسەتكىشى تومەن؟

بۇل سۇراققا ۇكىمەت وتىرىسىندا ق ر دەنساۋلىق ساقتاۋ ءمينيسترى الەكسەي سوي جاۋاپ بەردى.

ەلىمىزدىڭ ءبىرقاتار وڭىرىندە تۇرعىنداردى كوروناۆيرۋسقا قارسى ۆاكسينالاۋ كورسەتكىشى تومەن بولىپ تۇر دەپ حابارلايدى Almaty-akshamy.kz.

«حالىقتى ۆاكسينالاۋ جالعاسۋدا. شامامەن 4،5 مىڭ دوزا ۆاكسينا قولدانىلدى. ونىڭ ىشىندە 1-كومپونەنتپەن 2 809 447 ادام ەكپە الدى. بۇل - ەكپە الۋعا كىرەتىن حالىقتىڭ 28،4 پايىزىن قۇرايدى. ەكىنشى كومپونەنتپەن 1 715 750 ادام قامتىلدى. بۇگىندە ەكپە پۋنكتتەرىندە ۆاكسينانىڭ جەتكىلىكتى دوزاسى بار: 1-كومپونەنت - 1،1 ملن دوزا جانە ەكىنشى كومپونەنت - 1،4 ملن دوزا»، - دەدى مينيستر.

ونىڭ دەرەگىنشە، ماڭعىستاۋ، قوستاناي، پاۆلودار، باتىس قازاقستان، اقتوبە، اقمولا، قاراعاندى، جامبىل، الماتى وبلىستارىندا 1-كومپونەنت ۆاكسينا العاندار سانى ورتاشا رەسپۋبليكالىق كورسەتكىشتەن تومەن.

«رەسپۋبليكا اۋماعىندا ءۇندى شتامىنىڭ تارالۋىنىڭ انىقتالعاندىعىن ەسكەرە وتىرىپ، وڭىرلەردەگى ەپيدەميولوگيالىق تۇراقتىلىقتى ۇستاپ تۇرۋ ءۇشىن جەرگىلىكتى اتقارۋشى ورگاندار ۆاكسيناسيا قارقىنىن ارتتىرۋى جانە حالىق اراسىندا تەزىرەك ۆاكسينا الۋ قاجەتتىگى، ماسكا رەجيمى، الەۋمەتتىك اراقاشىقتىق سىندى نەگىزگى الدىن الۋ ءىس-شارالارىن ساقتاۋ كەرەكتىگى تۋرالى ءاقپاراتتىق-تۇسىندىرۋ جۇمىسىن كۇشەيتۋى ءتيىس»، - دەدى الەكسەي سوي.