قاي ءوڭىر جەمىس جەمەيدى؟

قازاقستاندىقتار قاربىز، ماندارين، اپەلسين، ورىك، شابدالى، شيەنى ءجيى تۇتىنادى.

قازاقستاندىقتار جەمىس ساتىپ الۋعا شامامەن 40 مىڭ تەڭگە جۇمسايدى، دەپ حابارلايدى aqshamnews.kz Energyprom.kz-كە سىلتەمە جاساپ.

بيىل ەكىنشى توقساندا قازاقستاندا جان باسىنا شاققاندا ورتاشا ەسەپپەن جەمىستى تۇتىنۋ كورسەتكىشى 16،5 كەلى بولدى. بۇل 2023 جىلدىڭ سايكەس كەزەڭىمەن سالىستىرعاندا 5،3%-عا ارتىق.

جەمىستى ەڭ كوپ تۇتىناتىن وڭىرلەردىڭ كوشباسىندا الماتى قالاسى تۇر: جان باسىنا شاققاندا 20،5 كەلى، جىلدىق ءوسىم — 13،9%. ۇزدىك ۇشتىككە ماڭعىستاۋ وبلىسى (20،3 كەلى، مينۋس 5،2%) جانە استانا (20،2 كەلى، پليۋس 7،4%) كىردى.

اباي جانە اتىراۋ وبلىستارىنىڭ جانە  شىمكەنت قالاسىنىڭ تۇرعىندارى جەمىستى از تۇتىنادى.

ەلىمىزدەگى ەڭ تانىمال جەمىس – الما. 2024 جىلدىڭ ەكىنشى توقسانىندا جان باسىنا شاققاندا ورتا ەسەپپەن 4،2 كەلى. ەكىنشى جانە ءۇشىنشى ورىنداردا بانان مەن قۇلپىناي تۇر: جان باسىنا شاققاندا 1،7 كەلى جانە 832 گ.

سونداي-اق قازاقستاندىقتار قاربىز، ماندارين، اپەلسين، ورىك، شابدالى، شيەنى ءجيى تۇتىنادى.

بيىل ەكىنشى توقساندا ەلىمىزدەگى ءاربىر ءۇي شارۋاشىلىعى جەمىس ساتىپ الۋعا ورتاشا ەسەپەن 39،7 مىڭ تەڭگە جۇمساعان. وتكەن جىلعى كورسەتكىش – 39،7 مىڭ تەڭگە، شىعىننىڭ جىلدىق ءوسىمى – 13،1%.

جەمىستەردى تۇتىنۋ بويىنشا الماتى، ماڭعىستاۋ وبلىسى جانە استانا كوشباسشى بولعانىنا قاراماستان، شىعىن كورسەتكىشى وزگەشە.

ماڭعىستاۋ وبلىسىنىڭ تۇرعىندارى جەمىس ساتىپ الۋعا كوپ اقشا جۇمساعان – 61،6 مىڭ تەڭگە. بۇل وتكەن جىلدىڭ ەكىنشى توقسانىمەن سالىستىرعاندا 5،7%-عا كوپ؛

تۇتىنۋ بويىنشا كوشباسشىلار قاتارىنا كىرمەيتىن ۇلىتاۋ وبلىسى – 50 مىڭ تەڭگە، پليۋس 6،9%؛

الماتىدا – 47،1 مىڭ تەڭگە، پليۋس 30،3%؛

جەمىس ساتىپ الۋعا از اقشا جۇمساعان وڭىرلەر تومەندەگىدەي:

قوستاناي وبلىسى – 26،9 مىڭ تەڭگە؛

سولتۇستىك قازاقستان وبلىسى – 29،3 مىڭ تەڭگە؛

اباي وبلىسى – 31،6 مىڭ تەڭگە.