بيىل رەسپۋبليكا كۇنىندە كىمگە اقشا تولەنەدى؟

ءبىرجولعى تولەم  از قامتىلعان وتباسىلارعا، كەي وڭىرلەردە مۇمكىندىگى شەكتەۋلى جاندار مەن اردارگەرلەرگە تاعايىندالادى، دەپ حابارلايدى aqshamnews.kz

اتىراۋ وبلىسىندا از قامتىلعان وتباسىلارعا، جالعىزباستىلارعا، قارتتارعا، مۇگەدەكتىگى بار بالالارعا 7،5 اەك (27 690 تەڭگە) كولەمىندە؛

پاۆلودار وبلىسىندا 18 جاسقا دەيىنگى مۇگەدەكتىگى بار بالالارعا، 1 جانە 2 توپتاعى مۇگەدەكتىگى بار ادامدارعا – 5 اەك مولشەرىندە (18 500 تەڭگە)؛

ماڭعىستاۋدا، مۇگەدەكتىگى بار ەرەسەكتەر مەن مۇگەدەكتىگى بار بالالارعا 5 اەك مولشەرىندە (18 500 تەڭگە)؛

ۇلىتاۋ وبلىسىندا ءبىرىنشى، ەكىنشى جانە ءۇشىنشى توپتارداعى مۇگەدەكتىگى بار ادامدارعا، 7 جاسقا دەيىنگى مۇگەدەكتىگى بار بالالارعا جانە ءبىرىنشى، ەكىنشى، ءۇشىنشى توپتاعى 7 جاستان 18 جاسقا دەيىنگى مۇگەدەكتىگى بار بالالارعا 20 مىڭ تەڭگە كولەمىندە؛ 

استانادا از قامتىلعان ازاماتتارعا 4،5 اەك (16 614 تەڭگە) كولەمىندە؛

قىزىلوردادا بارلىق ساناتتاعى مۇگەدەكتىگى بار ادامدار مەن مۇگەدەكتىگى بار بالالارعا 3 اەك (11 076 تەڭگە) مولشەرىندە؛

اقمولا وبلىسىندا جالپى سوماسى – 439 045،0 مىڭ تەڭگە كولەمىندە ءبىرجولعى تولەم بەرىلەدى.

ال اباي، الماتى، جەتىسۋ، جامبىل، قاراعاندى، قوستاناي، سولتۇستىك قازاقستان، تۇركىستان، اقتوبە، شىعىس قازاقستان، باتىس قازاقستان وبلىستارىندا جانە الماتى، شىمكەنت قالالارىندا ءبىرجولعى تولەم قاراستىرىلماعان.