بالالاردىڭ تەگىن جول ءجۇرۋى وتباسىلار ءۇشىن ساياحات شىعىندارىن ەداۋىر ازايتادى.
«قازاقستان تەمىر جولى» ۇك اق ەرەجەلەرىنە سايكەس، بالاعا جەكە ورىن قاجەت بولعان جاعدايدا، بيلەت ساتىپ الۋ قاجەت، دەپ حابارلايدى Almaty-akshamy.kz
«بالالار بيلەتى 7 جاستان 15 جاسقا دەيىنگى بالالارعا الىنۋى كەرەك جانە ولاردىڭ قۇنى ەرەسەكتەر بيلەتىنىڭ جارتى باعاسىنا تەڭ. 15 جاستان باستاپ بالاعا ەرەسەك بيلەت ساتىپ الىنادى»، - دەلىنگەن كومپانيا حابارلاماسىندا.
بۇل رەتتە 15 جاسقا دەيىنگى بالالار مىندەتتى تۇردە زاڭدى وكىلدەرىمەن بىرگە نەمەسە سەنىمحات بويىنشا ءجۇرۋى ءتيىس. ال 15 جاستان باستاپ ولار وزدىگىنەن جۇرە الادى.
«ەگەر بىرنەشە بالا بولسا، وندا ءسىز ولاردىڭ بىرەۋىن عانا تەگىن الىپ جۇرە الاسىز، تەك ول بولەك ورىن الماۋى كەرەك. بولەك ورىن ءۇشىن بيلەت كەرەك»، - دەلىنگەن سايتتا.
مەملەكەتارالىق تاسىمالدارعا كەلەتىن بولساق، بەس جاسقا دەيىن بالالار ورىن ۇسىنباي تەگىن جۇرە الادى؛ بەس جاستان 10 جاسقا دەيىن جول ءجۇرۋ قۇنى - بالالار ءتاريفى بويىنشا؛ 10 جاستان 15 جاسقا دەيىن قازاقستان ىشىندە بيلەت قۇنى تولىق قۇننىڭ 50 پايىزىن، ال باسقا مەملەكەتتەردىڭ اۋماقتارى بويىنشا تولىق ءتاريفتى قۇرايدى.