10 تامىزعا دەيىن قىزمەت كورسەتۋ سالاسىنىڭ بارلىق قىزمەتكەرلەرى COVID-19 ۆاكسيناسىنىڭ ءبىرىنشى كومپونەنتىن الۋى ءتيىس.
ق ر پرەمەر-مينيسترىنىڭ ورىنباسارى ەرالى توعجانوۆ ەلىمىزدىڭ كەيبىر وڭىرلەرىندە ەكپە سالدىرۋ كورسەتكىشىنىڭ تومەن ەكەنىن اتاپ ءوتتى، دەپ حابارلايدى Almaty-akshamy.kz
رrimeminister.kz سايتىنىڭ حابارلاۋىنشا، وڭىرلەردىڭ اكىمدىكتەرىنە شەكتەۋلەر ەنگىزۋ جانە ولاردىڭ ساقتالۋىن باقىلاۋ بويىنشا بارلىق شارالاردى قابىلداۋ تاپسىرىلدى. ۆيسە-پرەمەر كوروناۆيرۋس ينفەكسياسىنىڭ تارالۋىنا قارسى كۇرەستە مونيتورينگ توپتارىنىڭ جۇمىسىنىڭ ماڭىزدىلىعىن جانە بارلىق وڭىرلەردە وسى باعىتتاعى بەلسەندىلىكتىڭ تومەندىگىن اتاپ ءوتتى.
شوب نىساندارىن رەيدتەرمەن قامتۋدىڭ بارىنشا تومەندەۋى اقتوبە، ماڭعىستاۋ، سولتۇستىك قازاقستان، جامبىل، قىزىلوردا، اقمولا، اتىراۋ وبلىستارىندا، سونداي-اق الماتى جانە شىمكەنت قالالارىندا بايقالادى. انىقتالعان بۇزۋشىلىقتار سانىنىڭ تومەندەۋى ماڭعىستاۋ، پاۆلودار، الماتى، سولتۇستىك قازاقستان جانە اقتوبە وبلىستارىندا بايقالادى. ە.توعجانوۆ بارلىق وڭىرلەردە مونيتورينگ توپتارىنىڭ جۇمىسىن جانداندىرۋدى تاپسىردى.
سونداي-اق، ۆيسە-پرەمەر ەلىمىزدىڭ كەيبىر وڭىرلەرىندە ۆاكسينالاۋدىڭ تومەن قارقىنىن اتاپ ءوتتى. مىسالى، ماڭعىستاۋ وبلىسىندا حالىقتىڭ تەك 25،6%-ى ءبىرىنشى كومپونەنتپەن ەگىلدى، بۇل رەسپۋبليكا بويىنشا ورتاشا ماننەن 2 ەسە تومەن (52،4%). 6 ءوڭىردىڭ (بقو، اقتوبە، قوستاناي، قاراعاندى، جامبىل، پاۆلودار وبلىستارى) كورسەتكىشتەرى ەل بويىنشا ورتاشا ماننەن ايتارلىقتاي ارتتا قالىپ وتىر.
باس مەملەكەتتىك سانيتارلىق دارىگەردىڭ 2021 جىلعى 14 شىلدەدەگى №32 قاۋلىسىنا سايكەس، بيىلعى جىلعى 10 تامىزعا دەيىنگى مەرزىمدە قىزمەت كورسەتۋ سالاسىنىڭ بارلىق قىزمەتكەرلەرى COVID-19 ۆاكسيناسىنىڭ ءبىرىنشى كومپونەنتىمەن ەكپە الۋى ءتيىس.