الماتى قالاسى اكىمىنىڭ ورىنباسارى ەرجان باباقۇماروۆ ءوزىنىڭ سوزىندە پاندەمياعا قاراماستان، از قامتىلعان جانە كوپ بالالى وتباسىلارعا قولداۋ كورسەتۋ جۇمىستارى جالعاسۋدا ەكەنىن ايتتى.
26 شىلدەدە ونلاين فورماتتا الماتى قالاسى اكىمىنىڭ ورىنباسارى ەرجان باباقۇماروۆتىڭ، ق ر پرەزيدەنتى جانىنداعى ايەلدەر ءىسى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ ءتورايىمى ءلاززات رامازانوۆانىڭ جانە ۇلتتىق كوميسسيا مۇشەسى، ق ر ادام قۇقىقتارى جونىندەگى ۋاكىل ەلۆيرا ازيموۆانىڭ ايەلدەر ءىسى جانە وتباسىلىق-دەموگرافيالىق ساياسات جونىندەگى قالالىق كوميسسيا مۇشەلەرىمەن كەزدەسۋى ءوتتى، دەپ حابارلايدى Almaty-akshamy.kz
اعىمداعى جىلى «باقىتتى وتباسى» ورتالىقتارىندا 26 706 ءوتىنىم بەرۋشىگە رەسۋرستىق جانە كونسۋلتاسيالىق قولداۋ كورسەتىلدى. جەكە تۇلعانىڭ ءوسۋى، بالا تاربيەلەۋ، كوشباسشىلىق، وتباسىلىق قۇندىلىقتار بويىنشا نەگىزگى ترەنينگتەرگە 2278 ادام، ءبىلىم بەرۋ كۋرستارىنا 3419 ادام قاتىستى. جىل باسىنان بەرى كوپ بالالى جانە از قامتىلعان وتباسىلاردان شىققان 176 بالا (3-تەن 14 جاسقا دەيىن) بالالاردى وڭالتۋ ورتالىقتارىنا تەگىن جىبەرىلدى.
ومىرلىك قيىن جاعدايعا تاپ بولعان قالالىقتاردىڭ جۇمىسپەن قامتىلۋىنا ىقپال ەتۋ بويىنشا كەشەندى جۇمىس جۇرگىزىلۋدە. Isker Ana جوباسى اياسىندا كوپ بالالى جانە از قامتىلعان وتباسىلاردى جۇمىسپەن قامتۋ جانە جەكە بيزنەسىن دامىتۋ ءۇشىن 4 ساۋدا ورنى، 5 تىگىن جانە كۋلينار سەحى جۇمىس جاساۋدا، سونىمەن قاتار تۇركسىب اۋدانىندا Isker Anا ساۋدا ءۇيى اشىلدى. از قامتىلعان جانە كوپ بالالى وتباسىلاردان 215 ادام جۇمىسقا ورنالاستىرىلدى.
وتىرىسقا قوعامدىق ۇيىمداردىڭ وكىلدەرى، الماتى قالاسىنىڭ قوعامدىق كەڭەسىنىڭ مۇشەلەرى قاتىستى. «داعدارىستىق ورتالىقتار وداعى» زتب باسقارماسىنىڭ ءتورايىمى زۋلفيا بايساكوۆا، «كەڭەس» قق-نىڭ باسشىسى مايرا سۇلەيەۆا، «انالاردىڭ قۇقىعىن قورعاۋ - AQ-ALEM» قق-نىڭ اقمارال باسيروۆا، سونداي-اق الماتى قالاسى جەرگىلىكتى پوليسيا قىزمەتى باسقارماسىنىڭ ءبولىم باسشىسى دياس دۋانبەكوۆ وتباسىلىق ينستيتۋتتى نىعايتۋ جانە تۇرمىستىق زورلىق-زومبىلىقتىڭ الدىن الۋعا باعىتتالعان ءوز ۇسىنىستارىن ايتتى.