كۇنى كەشە دۋلات يسابەكوۆتىڭ قازاسى حالىقتىڭ قابىرعاسىنا باتىپ جاتقان كەزدە ءحانبيبى ەسقارا قىزى اتاق سۇرادى دەپ بۇكىل قوعامدى ءدۇر سىلكىنتكەن حابار تارادى. اراعا ۋاقىت سالىپ، ءحانبيبى ءوزى سويلەگەن ۆيدەوسىن جاريالاي وتىرىپ، جالا جاپقاندارعا جاۋاپ قاتتى، دەپ حابارلايدى aqshamnews.kz
"وسى قۇلبەك، سوڭعى كەزدە اركى-تاركى سويلەيتىن بولىپ بارادى. ال جازۋى ودان دا ورەسكەل. مەن تۋرالى جازعان پوستىن بىرنەشە رەت رەداكسيالاعاننان كەيىنگىسى دە وڭىپ تۇرعان جوق، الدە، مەملەكەتتىك سىيلىق الامىن دەپ ميى شايقالدى ما؟
«جانازادا سويلەگەندە» دەپ ءبوستى. جانازادا ەشكىم سويلەمەيتىنىن بىلمەي مە؟
ءسوز تىركەستەرىنە كوز سالىڭىز: …«كوپتەن كۇتكەن تراگەديامىز بولعان سوڭ»… «كوز جاسىنان كىرپىگىمىز ايقاسىپ، جابىسىپ قالدى»، … «بەكەت تۇرعارايەۆ ەكەۋمىز … سۇراۋلى كوزدەرىمىز ءوزارا ايقاسىپ قالدى… (الدىڭعى ۆاريانتتا اسپاندا ايقاسىپ قالدى) «اياعىمىزدىڭ استى تاس ەكەن، سول ساقتاپ قالدى» … سويتە تۇرا، سول تاستى تەسىپ ءوتىپ (جەردىڭ استىمەن) ءىلبىپ قايتادى عوي. جىلاعان ، ءمۇساپىر قالىپ تانىتا وتىرىپ، وبلىس اكىمىن ماعان قايراپ سالادى. ەگەر رەسمي جاقتان ايتىلماعان ءسوز بولسا، «قىرىق كۇندىك اسىن جەرلەستەرى مىندەتىنە الىپ وتىر»- دەپ ايتپاعان بولار ەدىم. نە تۇركىستاننىڭ، نە شىمكەنتتىڭ دەلەگاسياسىنا قوسپاعاننان كەيىنگى زار- زاپىرانى دەمەسكە امال جوق.
سونىمەن، «سۇيەكشى-قۇلبەك» مەن تۋرالى: «دۋلات يسابەكوۆ ماقتاعان پروزالىق شىعارماما مەملەكەتتىك سىيلىق بەرمەدىڭىزدەر»… دەپ قارا قازانداي وكپەسىن قارالى جۇرتتىڭ الدىنا اقتارا سالدى»-دەيدى.
… ال ادامدى ءبىر جالالى سوزبەن «جەكسۇرىن» ەتىپ كورسەتە سالۋدىڭ بۇدان اسقان فورماسى بولا ما؟ ونىڭ وسى ويىن العاش جاريالاعان باقىتجان بۇقاربايەۆتىڭ جازباسىنا 120 مىڭ ادامنىڭ لايك باسقانىن قايدان ءبىلدى ەكەن، ءا ؟ باقىتجاننىڭ مەنى قارالاعان پوستىنا جۇزدەگەن ادامدار كومەنتاريي بەرگەن سوڭ، ول سايابىرلاعان . «قارت سۇيەكشى» وعان قاناعاتتانباي، ءوزى قولىنا قالامىن الىپ، جىگەرلەنىپ، ىشقىنىپ ايتقان ءسوزىن يۋتۋب كانالىنان وقىتقاندا ، ادامدى جابىرلەۋدىڭ ءتۇرلى تاسىلدەرىن تەرەڭ مەڭگەرگەندىگىن وزدەرىڭىز  تىڭدادىڭىزدار.
باقىتجانداي جاس جىگىتتى ايداپ سالعان كىم ەكەندىگى ايداي ءمالىم بولدى.
ماعان ءبىراز لاۋازىمدى ، قۇرمەتتى ادامدار تەلەفون سوعىپ، ۇندەمە، باياعى «يت ۇرەدىنى» ايتىپ، ءبىرى «رامازان ايىندا ايتىسپا»، ونىڭ كىم، سەنىڭ كىم ەكەنىڭدى حالىق بىلەدى»- دەپ باسۋ ايتقانمەن، مەنىڭ ار-وجدانىما تۇسكەن داقتى، جاپقان جالانى وزىمنەن وزگە ەشكىم قورعاي المايتىنى بەلگىلى .
سوتقا بەردىم. سوت پروسەسىندە اۆتورلار ءوز قاتەلەسكەنىن مويىنداسا، ەكى جاقتى كەلىسىمگە (مەدياسيا) كەلۋ مۇمكىندىگى بار ەكەندىگىن حابارلادى.
120 مىڭ وقىرمان «بىلىپ-بىلمەي» جازعان قارالاۋ كومەنتارييلەرى ءۇشىن مىنا ۆيدەونى نازارلارىڭىزعا ۇسىنامىن.
سوڭعى ءسوز سىزدەردە، - دەپ جازدى ءحانبيبى ەسەنقارا قىزى ءوزىنىڭ الەۋمەتتىك جەلىسىندە.