پوليسەيلەردىڭ توقتاۋ تۋرالى زاڭدى تالابىنا جۇرگىزۋشى باعىنبادى
قىزمەتتىك مىندەتتەرىن اتقارۋ كەزىندە بيلىك وكىلىنە قاتىستى زورلىق-زومبىلىق جاسادى دەگەن كۇدىكتىلەر ۇستالىپ، ۋاقىتشا ۇستاۋ يزولياتورىنا قاماۋعا الىندى. ۇشەۋى دە تۇركىستان وبلىسى تولەبي اۋدانىنىڭ تۇرعىندارى، دەپ حابارلايدى Almaty-akshamy.kz Polisia.kz-كە سىلتەمە جاساپ.
ەستەرىڭىزگە سالا كەتەيىك، قاداعالاۋ ورگانىنىڭ وكىلىنە شابۋىل جاسالدى. ول كوكسايەك اۋىلىنا بەيبىت جينالىستار وتكىزۋ ءتارتىبى تۋرالى زاڭنامانى ءتۇسىندىرۋ ءۇشىن كەلگەن بولاتىن. ولار ۆاز-2103 كولىگىمەن قاشىپ كەتۋگە تىرىسقان اۋىل تۇرعىندارىنىڭ كولىگىن قۋعان پوليسيا قىزمەتكەرلەرىنە نارازىلىق بىلدىرگەن.
پوليسەيلەردىڭ توقتاۋ تۋرالى زاڭدى تالابىنا جۇرگىزۋشى باعىنبادى. توقتاۋدىڭ ورنىنا باسقا جول قوزعالىسىنا قاتىسۋشىلارعا ءقاۋىپ ءتوندىردى. ونىمەن قويماي جۇرگىزۋشى جىلدامدىقتى ارتتىرىپ، بوي تاسالاۋعا تىرىستى. وسىدان كەيىن جۇرگىزۋشى كولىكتى يگەرە الماي، باسقا كولىكتەرمەن سوقتىعىسقان.
اپات سالدارىنان ۆاز-2103 اۆتوكولىگىنىڭ جۇرگىزۋشىسى وقيعا ورنىندا قايتىس بولدى، ونىڭ جولاۋشىسى مەن Audi 100 كولىگىنىڭ جۇرگىزۋشىسى ءارتۇرلى دەنە جاراقاتتارىمەن اۋرۋحاناعا جاتقىزىلدى.
قازىرگى ۋاقىتتا ق ر قك 380-بابىنىڭ 3-بولىگى بويىنشا سوتقا دەيىنگى تەرگەۋ جۇرگىزىلۋدە. وسى باپتىڭ سانكسياسى ءتورت مىڭ ايلىق ەسەپتىك كورسەتكىشكە دەيىنگى مولشەردە ايىپپۇل سالۋعا نە سول مولشەردە تۇزەۋ جۇمىستارىنا نە ءبىر مىڭ ساعاتقا دەيىنگى مەرزىمگە قوعامدىق جۇمىستارعا تارتۋعا نە ەكى جىلدان ءتورت جىلعا دەيىنگى مەرزىمگە باس بوستاندىعىن شەكتەۋگە نە سول مەرزىمگە باس بوستاندىعىنان ايىرۋعا جازالاۋدى كوزدەيدى.
اۋىلدىڭ ءۇش كۇدىكتى تۇرعىنى ۋاقىتشا ۇستاۋ يزولياتورىنا قامالدى. جول-كولىك وقيعاسىنا قاتىستى فاكت ق ر قك 345-بابىنىڭ 3-بولىگى بويىنشا تىركەلدى، ءتيىستى ساراپتامالار جۇرگىزىلۋدە. تەرگەۋ ناتيجەلەرى بويىنشا وقيعانىڭ بارلىق قاتىسۋشىلارىنىڭ ىس-ارەكەتتەرىنە قۇقىقتىق باعا بەرىلەتىن بولادى. ءىس وبلىس پد باسشىلىعىنىڭ باقىلاۋىندا.