جەلىدە اقتوبەلىك تۇرعىننىڭ رەسەي فەدەراسياسىنا قوسىلۋ يدەياسىن قولداعان ۆيدەوسى تاراعان ەدى.
اقتوبەنىڭ رەسەيگە قوسىلۋىن قولداعان ايەل قازاقستان حالقىنان كەشىرىم سۇرادى، دەپ حابارلايدى Almaty-akshamy.kz
ۆيدەودا ايەل پرەزيدەنت ۆلاديمير پۋتينگە قاتىستى سۇراققا جاۋاپ بەرەدى.
"مەنىڭ جەكە پىكىرىم، مەن ونى جاقسى كورەمىن، قۇرمەتتەيمىن. مەنىڭ ويىمشا، ول - الەمدەگى ەڭ مىقتى پرەزيدەنت، ادام. كوزىمە جاس كەلەدى، مەن ونى قاتتى جاقسى كورەمىن جانە قۇرمەتتەيمىن"، - دەپ جاۋاپ بەردى ول.
اقتوبەلىك تۇرعىن اقتوبە وبلىسىن رەسەي فەدەراسياسىنا قوسۋ تۋرالى رەفەرەندۋم وتسە، بىردەن "وڭ" داۋىس بەرەتىنىن ايتقان.
"ۆيدەونىڭ كەيىپكەرى اقتوبەنىڭ 68 جاستاعى تۇرعىنى ەكەنى انىقتالدى، ونىمەن پروفيلاكتيكالىق اڭگىمە جۇرگىزىلدى"، - دەدى وبلىستىق پوليسيا دەپارتامەنتى وكىلدەرى.
كەيىن جەلىدە ايەلدىڭ قازاقستان حالقىنا ۇندەۋ جاساپ، كەشىرىم سۇراعان ۆيدەوسى پايدا بولدى.
"ءقازىر بۇكىل جەلىدە تاراپ جاتقان ۆيدەو ءۇشىن كەشىرىم سۇرايمىن. بۇل ۆيدەو ءۇشىن قاتتى وكىنەمىن، مەن، ارينە، سوعىسقا دا، رەفەرەندۋمعا دا قارسىمىن. مەن قازاقستانىمدى سۇيەمىن، بۇل - مەنىڭ وتانىم، بۇل - مەنىڭ ەلىم، مەن بالالارىمدى وسىندا دۇنيەگە اكەلدىم، نەمەرەلەرىم وسىندا دۇنيەگە كەلدى. ءبىز مۇندا تۇرامىز، بىزدە ءبارى بار. بۇل ۆيدەو ءۇشىن تاعى دا كەشىرىم سۇرايمىن. ويتكەنى مەن ارانداتۋشىلىققا بوي الدىردىم جانە ويلانباستان جاۋاپ بەردىم. "بۇل بەينەنى كىم تاراتسا دا، بۇل ءۇشىن قاتتى وكىنەمىن"، - دەدى ول.