2023 جىلى ۇلتتىق قاۋىپسىزدىك كوميتەتى پوليسيا جانە پروكۋراتۋرا ورگاندارىمەن بىرلەسىپ زاڭسىز اينالىمنان، سونىڭ ىشىندە «قاڭتار وقيعالارى» كەزىندە ۇرلانعان قارۋدى ىزدەۋ جانە الۋ بويىنشا ءبىرقاتار جەدەل-ىزدەستىرۋ ءىس-شارالارىن وتكىزدى، دەپ حابارلايدى اlmaty-akshamy.kz.
قورىتىندىسى بويىنشا قارۋدىڭ زاڭسىز اينالىمىنىڭ 14 ارناسى جانە ونى قولدان جاساۋ بويىنشا 7 سەح جويىلدى.
51 كالاشنيكوۆ اۆتوماتى، 192 مىلتىق، 165 تاپانشا، 45 گراناتا، 2 گراناتومەت، 4 دانا سنارياد پەن مينالار، 7 جارىلعىش قۇرىلعىلار جانە ءارتۇرلى كاليبردەگى 36 870 پاترون تاركىلەندى.
قارۋدىڭ زاڭسىز اينالىمىنا قارسى كۇرەس بويىنشا ءىس-شارالار جالعاسۋدا.