رەسەي پرەزيدەنتى ۆلاديمير پۋتين قازاقستان پرەزيدەنتى قاسىم-جومارت توقايەۆپەن سەنىمدى ءارى دوستىق قارىم-قاتىناس ورناتقانىن مالىمدەدى، دەپ حابارلايدى almaty-akshamy.kz.
"ءبىز قاسىم-جومارت كەمەلۇلىمەن تۇراقتى بايلانىستامىز. ءبىز وتە مەيىرىمدى، سەنىمدى قارىم-قاتىناس ورناتتىق. ءقازىر ەنەرگەتيكا تۋرالى ايتاتىن بولساق، وزبەكستانعا گاز بەرىپ قانا قويماي، سولتۇستىك قازاقستانعا دا ءبىزدىڭ ەنەرگيا تاسىمالداۋشىلارىمىز قاجەت. ءيا، قازاقستان ءوزى وندىرەدى، ءبىراق سوعان قاراماستان گازبەن جابدىقتاۋدى قاجەت ەتەتىن قازاقستاننىڭ ءىرى وبلىستارى بار. ميللياردتاعان دوللارعا جاڭا مارشرۋتتار سالعاننان گورى رەسەيدەن گاز الۋ وڭاي ءارى ارزان"، – دەدى پۋتين.
بۇل مالىمدەمە سانكت-پەتەربۋرگتە وتكەن جەتەكشى الەمدىك اقپاراتتىق اگەنتتىكتەردىڭ باسشىلارىمەن كەزدەسۋ بارىسىندا جاسالدى.
پۋتين ەكى ەل اراسىنداعى بارلىق دەرلىك ۆەكتورلار بويىنشا وتە بەلسەندى بىرلەسكەن جۇمىس ءجۇرىپ جاتقانىن اتاپ ءوتتى. ونىڭ ايتۋىنشا، بۇل ىنتىماقتاستىق پرەزيدەنت توقايەۆتىڭ ارقاسىندا مۇمكىن بولىپ وتىر.
"پرەزيدەنت توقايەۆ ءبىزدىڭ بارلىق باعىتتار بويىنشا ءوزارا ءىس-قيمىلىمىزدى قولدايدى"، – دەدى ول.