پروكۋراتۋرانىڭ تەكسەرۋىنەن كەيىن كوممۋنالدىق قىزمەت تاريفتەرى ارزاندادى

پروكۋراتۋرانىڭ ارالاسۋىنان كەيىن 1 قاڭتاردان باستاپ ءبىر جىلعا ۋاقىتشا وتەمدىك تاريف ەنگىزىلدى

تۇتىنۋشىلار ءۇشىن سۋمەن جابدىقتاۋ قىزمەتتەرى بويىنشا تاريف 2،16%-عا، سۋ تارتۋ 0،37%-عا جانە جىلۋمەن جابدىقتاۋ 4،31%-عا تومەندەدى، دەپ حابارلايدى Almaty-akshamy.kz "دياپازون" باسىلىمىنا سىلتەمە جاساپ.

اقتوبە قالاسىنداعى استانا اۋدانىنىڭ پروكۋراتۋراسى مەن مونوپولياعا قارسى دەپارتامەنت «Aqtobe su–energy group» اق جۇمىسىن تەكسەرىپ، ءبىرقاتار بۇزۋشىلىقتاردى انىقتادى.

حابارلامادا اتاپ وتىلگەندەي، مونوپوليست 892 ملن تەڭگەدەن استام سوماعا سۋمەن جابدىقتاۋ، سۋ تارتۋ جانە جىلۋمەن جابدىقتاۋدىڭ رەتتەلىپ كورسەتىلەتىن قىزمەتتەرى بويىنشا ءىس-شارالاردى ورىنداماعان.

پروكۋراتۋرانىڭ ارالاسۋىنان كەيىن 1 قاڭتاردان باستاپ ءبىر جىلعا ۋاقىتشا وتەمدىك تاريف ەنگىزىلدى. تۇتىنۋشىلار ءۇشىن سۋمەن جابدىقتاۋ قىزمەتتەرى بويىنشا تاريف 2،16%-عا، سۋ تارتۋ 0،37%-عا جانە جىلۋمەن جابدىقتاۋ 4،31%-عا تومەندەدى.

تۇتىنۋشىلارعا تومەندەتىلگەن تاريفتەردى ەسكەرە وتىرىپ شوتتار جولداناتىن بولادى. «Aqtobe su-energy group» اق-عا 9،3 ملن تەڭگە كولەمىندە ايىپپۇل سالىندى.