كييەۆ پەن وزگە قالالاردى اتقىلاۋ كۇشەيگەن.
رەسەي تاراپى ۋكراينانىڭ ەكىنشى ءىرى قالاسى حاركوۆتى تاعى زىمىرانمەن اتقىلاپ، 5 ادام قازا تاپتى، دەپ حابارلايدى «حابار 24».
13 تۇرعىن جاراقات الدى. كۋاگەرلەردىڭ ايتۋىنشا، شاھاردا بىرنەشە بومبا جارىلعان. سولاردىڭ ءبىرى كوپ قاباتتى تۇرعىن ءۇي مەن اۋرۋحاناعا تۇسكەن. سونىمەن بىرگە ءبىر بالاباقشا قيراعان. وسى وقيعادان كەيىن قالا مەرى شاھار حالقىن ارنايى ورىنداردى پانالاۋعا نەمەسە ءقاۋىپسىز اۋداندارعا كوشۋگە شاقىردى.
ساراپشىلاردىڭ ايتۋىنشا، رەسەي اسكەرى ۋكراينانىڭ سولتۇستىگىندە قاتتى قارسىلىققا تاپ بولعان سوڭ دونباسقا قاراي شابۋىلدى ۇدەتىپ، كييەۆ پەن وزگە قالالاردى اتقىلاۋدى كۇشەيتكەن.
«حريستياندار ءۇشىن قاسيەتتى كۇننىڭ وزىندە دە جاۋ حاركوۆتى بومبالاۋىن قوياتىن ەمەس. ءبىز توقتاۋسىز بومبالانىپ جاتقان ءقاۋىپتى اۋدانداردان حالىقتى ەۆاكۋاسيالاپ جاتىرمىز. مەن ۇنەمى وق بوراپ تۇرعان وسىنداي اۋماقتارداعى تۇرعىنداردى وزگە ءقاۋىپسىز اۋداندارعا كوشۋگە شاقىرامىن. سىزدەرگە ءبىزدىڭ ەرىكتىلەر كومەكتەسەدى»،- دەدى حاركوۆ قالاسىنىڭ مەرى يگور تەرەحوۆ.