پروكۋراتۋرا قايرات ساتىبالدىعا قاتىستى باسقا ىستەر قارالىپ جاتقانىن ايتتى

تەرگەۋ جۇرگىزىلىپ جاتىر.

قايرات ساتىبالدىعا قاتىستى باسقا دا ىستەر بويىنشا تەرگەۋ ءجۇرىپ جاتىر. بۇل تۋرالى باس پروكۋرورىنىڭ ورىنباسارى اسەت شىندالييەۆ ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.

«قايرات ساتىبالدىعا قاتىستى ءىستى سىبايلاس جەمقورلىققا قارسى اگەنتتىك جۇرگىزدى. تەك ەكى ەپيوزدتى قارادى. ياعني «كولىكتىك سەرۆيس ورتالىعى» مەن «قازاقتەلەكوم» كومپانياسىنا زالال كەلتىرگەنى تەرگەلدى. ءوزىڭىز بىلەتىندەي، ەكەۋىنە شامامەن 42 ملرد تەڭگەدەي ماتەريالدىق زيان كەلتىرىلگەن. سول ەكى ەپيزود قانا قارالدى. باسقا ىستەر ءقازىر تەرگەۋ بارىسىندا»، - دەدى اسەت شىندالييەۆ ماجىلىستە تىلشىلەر سۇراعىنا جاۋاپ بەرە وتىرىپ.

بۇدان بۇرىن حابارلانعانداي، جاقىندا ەلوردادا قايرات ساتىبالدى ىسىنە قاتىستى سوت ۇكىمى شىعىپ، 6 جىلعا سوتتالدى .

استانا قالاسىنىڭ №2 بايقوڭىر اۋداندىق سوتىندا «كولىكتىك سەرۆيس ورتالىعى» اق-نىڭ مۇلكىن تالان-تاراجعا سالۋ، سونداي-اق «قازاقتەلەكوم» اق-عا مۇلىكتىك زالال كەلتىرۋ فاكتىسى بويىنشا قايرات ساتىبالدى ىسىنە قاتىستى ايىپتاۋ ۇكىمى جاريالاندى .

ءمالىم بولعانداي، 2018-2022 جىلدار ارالىعىندا ق.ساتىبالدى تالان-تاراجعا سالۋ ارقىلى «كولىكتىك سەرۆيس ورتالىعى» اق قاراجاتىن جىمقىرۋدى ۇيىمداستىرعان.