ءىس ءالى دە كۇدىكتىلەرگە تانىستىرۋ ساتىسىنان ءوتىپ جاتىر.
باس پروكۋروردىڭ ورىنباسارى اسەت شىندالييەۆتىڭ ايتۋىنشا، ۇلتتىق قاۋىپسىزدىك كوميتەتىنىڭ بۇرىنعى باسشىسى كارىم ماسىموۆكە قاتىستى ءىس ءالى دە كۇدىكتىلەرگە تانىستىرۋ ساتىسىنان ءوتىپ جاتىر، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ءقازىر كۇدىكتىلەردى ءىس ماتەريالدارىمەن تانىستىرۋ جۇرگىزىلىپ جاتىر. وسى ورايدا تانىسۋ ءبىراز ۋاقىت الۋى مۇمكىن»، - دەدى اسەت شىندالييەۆ پارلامەنت ماجىلىسىندەگى باسپا ءسوز ءماسليحاتىندا.
بۇدان بۇرىن حابارلانعانداي، ۇقك بۇرىنعى باسشىلىعى ك.ق. ماسىموۆكە، ا.ت. سادىقۇلوۆقا، د.ە. ەرعوجينگە، م.س. وسىپوۆكە جانە لاۋازىمدى ادامدار د.م. اكيپوۆكە، ن.ك. بەكمۇراتقا، ا.ا. قاتىستى قىلمىستىق ءىستى تەرگەۋدى اياقتادى.
ق ر ۇلتتىق قاۋىپسىزدىك كوميتەتىنىڭ بۇرىنعى ءتوراعاسى كارىم ءماسىموۆتىڭ قىلمىستىق ءىسى «اسا قۇپيا» بەلگىسىمەن تەرگەلگەن.