الماتى قالاسىنىڭ پروكۋراتۋراسى كەپىلدەندىرىلگەن تەگىن مەديسينالىق كومەك كورسەتۋدىڭ قولجەتىمدىلىگىنە تالداۋ جۇرگىزدى
پروكۋراتۋرانىڭ اقپاراتىنا سايكەس، قالاداعى كەيبىر ەمحانالار «اۋديومەتر» ارنايى مەديسينالىق قۇرىلعىسىمەن جەتكىلىكسىز تۇردە جابدىقتالعان، دەپ حابارلايدى Almaty-akshamy.kz قازاقپاراتقا سىلتەمە جاساپ.
«دەنساۋلىق ساقتاۋ تۋرالى زاڭنامادا مەديسينالىق ۇيىمدار ەستۋ قابىلەتىنىڭ بۇزىلۋىن ۋاقتىلى انىقتاۋ جانە كەرەڭدىكتىڭ دياگنوستيكاسى ءۇشىن 6 جاسقا دەيىنگى بالالاردى اۋديولوگيالىق سكرينينگتەن وتكىزۋى كەرەكتىگى قاراستىرىلعان. الايدا، تالداۋ كورسەتكەندەي، قالاداعى كەيبىر ەمحانالار «اۋديومەتر» ارنايى مەديسينالىق قۇرىلعىسىمەن جەتكىلىكسىز تۇردە جابدىقتالعان. بۇل ازاماتتار اراسىندا كەزەكتىڭ پايدا بولۋىن جانە نارازىلىق تۋعىزدى. اۋەزوۆ اۋدانى پروكۋراتۋراسىنىڭ قاداعالاۋ اكتىسى نەگىزىندە قازىرگى تاڭدا قالاداعى 7 ەمحانا «اۋديومەترمەن» جابدىقتالدى. قالعان مەديسينالىق ۇيىمدارعا قاتىستى تالداۋ جۇرگىزىلۋدە»، - دەلىنەدى پروكۋراتۋرا حابارلاماسىندا.