وتىنىمدەر 1 ساۋىردەن بەرى قابىلدانۋدا
الماتىدا بيزنەس-يدەيالاردى ىسكە اسىرۋ ءۇشىن گرانتتار الۋعا وتىنىمدەر قابىلداۋ باستالدى. ولارعا جاستار (29 جاسقا دەيىن) جانە حالىقتىڭ الەۋمەتتىك وسال توپتارىنىڭ وكىلدەرى ۇمىتكەر بولا الادى، دەپ حابارلايدى Almaty-akshamy.kz
گرانت سوماسى 400 اەك-كە جەتەدى (1 225 200 تەڭگە).
گرانتتار بەرۋ جۇمىسپەن قامتۋدى قامتاماسىز ەتۋ جانە حالىقتىڭ تابىسىن ءوسىرۋ ماقساتىندا كاسىپكەرلىكتى دامىتۋ جونىندەگى ۇلتتىق جوبانى ىسكە اسىرۋ اياسىندا جۇرگىزىلەدى.
«شوب قالا ەكونوميكاسىندا جەتەكشى ورىنعا يە جانە مۇندا 10 الماتىلىقتاردىڭ 6-ى ىستەيدى. وسى جىلدان باستاپ گرانتتاردى سەرتيفيكاتسىز الۋعا بولادى. وتىنىمدەر ساۋىردەن قاراشا ارالىعىندا قابىلدانادى، ناقتى مەرزىمدەرى مەن كەزەڭدەرىن قوسىمشا حابارلايمىز»، – دەپ اتاپ ءوتتى الماتى قالاسى اكىمدىگىنىڭ حالىقتى جۇمىسپەن قامتۋ ورتالىعى ديرەكتورىنىڭ ورىنباسارى زافار اپپازوۆ.
ءوتىنىمدى اعىمداعى جىلدىڭ 1 ساۋىرىنەن باستاپ business.enbek.kz پورتالى ارقىلى بەرۋگە بولادى.
گرانت الۋ ءۇشىن مىنالار قاجەت:
* تىركەلگەن جۇمىسسىز مارتەبەسى نەمەسە مەرزىمى 1 جىلدان اسپايتىن جك بولۋى؛
* الماتى قالاسىندا تۇراقتى، ۋاقىتشا (1 جىلدان كەم ەمەس) تىركەلۋ؛
* business.enbek.kz پورتالىندا تىركەلۋ؛
* بيزنەس-جوسپاردىڭ بولۋى.
ۇمىتكەرلەر بيزنەس-جوسپاردى وزدەرى دەربەس جاسايدى جانە Business.enbek.kz. پورتالىنا ءوتىنىم جىبەرەدى. وتىنىمدەردى قاراۋ مەرزىمى - 10 جۇمىس كۇنى.
گرانتتاردى كوميسسيانىڭ شەشىمى نەگىزىندە حالىقتى جۇمىسپەن قامتۋ ورتالىعى بەرەدى. كوميسسيا مۇشەلەرى بيزنەس-جوسپاردى كەلەسى كريتەرييلەر بويىنشا باعالايدى:
-بيزنەس-يدەيانىڭ باسەكەگە قابىلەتتىلىگى؛
- وتكىزۋ نارىقتارىنىڭ پىسىقتالۋى؛
- بيزنەس-جوبانىڭ قارجىلىق ومىرشەڭدىگى؛
- كاسىپكەرلىك داعدىلار دەڭگەيى؛
- جاڭا جۇمىس ورىندارىن قۇرۋ.