بۇعان دەيىن جازعانىمىزداي ءماجىلىس دەپۋتاتى ەرلان سايروۆ كۋاگەرلەردىڭ روپ وپەراتورىنىڭ سوڭعى بەنەفيسيارى رەتىندە ءاليا نازاربايەۆانى كورسەتكەنىن ايتقان. ءبىراق باس پروكۋراتۋرا بۇل تۋرالى ەشتەڭە بىلمەيدى جانە وتىنىشتەر تۇسپەگەنىن ايتتى، دەپ حابارلايدى almaty-akshamy.kz.
بۇل تۋرالى ءماجىلىس وتىرىسىندا قازاقستان رەسپۋبليكاسى باس پروكۋرورىنىڭ ورىنباسارى اسەت شىندالييەۆ ءمالىم ەتتى.
«مەن ءوتىنىشتى كورگەن جوقپىن، ەگەر قىلمىس قۇرامى بولسا، قانداي دا ءبىر اقپارات بولسا، قىلمىستىق جاۋاپكەرشىلىككە تارتۋ تۋرالى شەشىمدى ءتيىستى ورگان شىعارۋى كەرەك دەپ ويلايمىن. بىزدە مۇنداي ورگاندار بار: ىشكى ىستەر مينيسترلىگى، ەكونوميكالىق تەرگەۋ قىزمەتى، انتيكور. ەگەر دالەلدەر بولسا، ولار شەشىم قابىلداۋى ءتيىس. مەندە ازىرگە ونداي اقپارات جوق»، - دەدى شىندالييەۆ.
باس پروكۋروردىڭ ورىنباسارى اسەت شىندالييەۆ تە ءاليا نازاربايەۆانىڭ قايدا ەكەنىن بىلمەيدى.
ەسكە سالا كەتسەك، استانا قالالىق سوتىنىڭ قىلمىستىق ىستەر جونىندەگى اپەللياسيالىق سوت القاسى «وپەراتور روپ» ءجشس-نىڭ بۇرىنعى باسشىلىعى مەن بۇرىنعى ەكولوگيا ۆيسە-مينيسترى احمەتجان ءپىرىمقۇلوۆقا قاتىستى ۇكىمدى وزگەرىسسىز قالدىردى.