تۋريستىك سالانى دامىتۋ پەرسپەكتيۆالارى تۋرالى الماتى قالاسى كاسىپكەرلەر پالاتاسى باسقارۋشى ديرەكتورىنىڭ سالالىق دامۋ جونىندەگى ورىنباسارى الىشەر تۇرسىن الماتى قالاسىنىڭ وڭىرلىك كوممۋنيكاسيالار قىزمەتىنىڭ بريفينگىندە ايتتى.
الماتى قالاسىنىڭ وڭىرلىك كاسىپكەرلەر پالاتاسى جانىنان جۇمىس ىستەيتىن تۋريزم جونىندەگى كەڭەس ءتۋريزمدى دامىتۋ سالاسىنداعى ءتۇرلى قۇرىلىمدار مەن ۇيىمداردىڭ بىرلەسىپ جۇمىس ىستەۋىن ۇيلەستىرەدى. كەڭەس قۇرامى 56 مۇشەدەن، ءوڭىردىڭ تۋريستىك يندۋسترياسىنىڭ بارلىق دەرلىك سەگمەنتتەرىنىڭ وكىلدەرىنەن قۇرالعان، دەپ حابارلايدى اlmaty-akshamy.kz.
كەڭەس جانىنان تاۋ-كەن ءتۋريزمىن، تۋريستىك ينفراقۇرىلىمدى دامىتۋ، كادرلار دايارلاۋ، حالىقارالىق ىنتىماقتاستىق جانە ت. ب. ماسەلەلەردى قامتيتىن 12 جۇمىس توبى قۇرىلدى.
«جۇمىس توپتارى قىزمەتىنىڭ ءاربىر باعىتى بويىنشا ناقتى ۇسىنىستار جاسالدى، بۇل ءوڭىردىڭ ءتۋريزمىن دامىتۋدىڭ ءبىرىڭعاي ستراتەگياسىن قۇرۋعا مۇمكىندىك بەردى. ءۇش ءوڭىردىڭ مەملەكەتتىك ورگاندارىمەن تىعىز بايلانىس ورناتىلدى، بۇل ۇيلەستىرىلگەن جۇمىسقا جانە تۋىندايتىن ماسەلەلەردى جەدەل شەشۋگە ىقپال ەتتى. تۋريستىك نىساندارعا جۇمىس ساپارلارىنىڭ ارقاسىندا ينفراقۇرىلىمنىڭ اعىمداعى جاي - كۇيىنىڭ وبەكتيۆتى كورىنىسى الىندى، بۇل دامۋ جوسپارلارى مەن باسىمدىقتارىن تۇزەتۋگە مۇمكىندىك بەردى»، - دەدى ءا.تۇرسىن.
سپيكەر اتاپ وتكەندەي، جۇرگىزىلىپ جاتقان جۇمىستىڭ ارقاسىندا ءوڭىردىڭ ءتۋريزمىن دامىتۋدىڭ ءبىرىڭعاي ستراتەگياسىن جاساۋعا مۇمكىندىك تۋدى. مەملەكەتتىك ورگاندارمەن بىرلەسىپ تۋىندايتىن ماسەلەلەردى جەدەل شەشۋ بويىنشا ۇيلەستىرىلگەن جۇمىس جۇرگىزىلۋدە. ماسەلەن، تۋريستىك وبەكتىلەرگە جۇمىس ساپارلارىنىڭ ارقاسىندا ينفراقۇرىلىمنىڭ اعىمداعى جاي-كۇيىنىڭ وبەكتيۆتى كورىنىسى الىندى، بۇل دامۋ جوسپارلارى مەن باسىمدىقتارىن تۇزەتۋگە مۇمكىندىك بەردى.
كەڭەس الدىندا تۋريستىك ينفراقۇرىلىمدى ودان ءارى دامىتۋ، ينۆەستيسيالار تارتۋ، تۋريستەر اعىنىن قايتا ءبولۋ، سونداي-اق بىلىكتى كادرلاردى دايارلاۋ مىندەتى تۇر.
تۋريستىك سالاعا سيفرلىق تەحنولوگيالاردى ەنگىزۋگە باستى نازار اۋدارىلادى. ساندىق دەرەكتەردى تالداۋ ارقىلى تۋريستەرگە ساپالى تۋريستىك ونىمدەر مەن قىزمەتتەردى ۇسىنعىسى كەلەدى.
«گەواقپاراتتىق جۇيەلەردىڭ كومەگىمەن بۇل 2گيس، گۋگل جانە ت.ب.، سيفرلىق دەرەكتەردى الا وتىرىپ، ءبىز ءتۋريستىڭ پسيحولوگياسىن تۇسىنگىمىز كەلەدى. سونىمەن قاتار، ءبىز ءقازىردىڭ وزىندە بار تۋريستىك نىسانداردى، ەڭ تانىمال باعىتتاردى تەكسەرەمىز، سونىمەن قاتار تۋريستەر قانداي ماسەلەلەرگە تاپ بولاتىنىن بىلەمىز. كەڭەستە بىزگە ءار جولى الماتىدا اقپاراتتىق باننەرلەر، اعىلشىن تىلىندەگى جول بەلگىلەرىنىڭ سانىن كوبەيتۋ قاجەت دەپ ايتىلادى، بۇل جۇمىس بەلسەندى كۇش سالۋدى قاجەت ەتەدى. بۇل باعىتتا ءبىز يننوۆاسيالىق ادىستەردىڭ كومەگىمەن نەگىزگى پروبلەمالىق ماسەلەلەردى ءبىلىپ، باسقا مەملەكەتتىك ورگاندار مەن مۇددەلى تاراپتاردىڭ ارىپتەستەرىنە سايكەس شەشۋ جولدارىن ۇسىنعىمىز كەلەدى، وسىنداي ماسەلەلەردى جەدەل شەشكىمىز كەلەدى»، - دەپ قورىتىندىلادى سپيكەر.