پروكۋراتۋرا اكتىلەرى بويىنشا بيىل مۇگەدەكتىگى بار 7 مىڭنان استام ادامنىڭ قۇقىقتارى قورعالدى

اعىمداعى جىلدىڭ 5 ايىندا پروكۋرورلار مۇگەدەكتىگى بار ادامداردىڭ قۇقىقتارىن قورعاۋسالاسىندا 89 تەكسەرۋ مەن تالداۋ جۇرگىزدى، ناتيجەسىندە 527 زاڭ بۇزۋشىلىقتار انىقتالدى، 68 ۇسىنىس قارالىپ، 4 نارازىلىق قاناعاتتاندىرىلدى.
پروكۋراتۋرا اكتىلەرى بويىنشا مۇگەدەكتىگى بار 7 مىڭنان استام ادامنىڭ قۇقىقتارى قورعالدى. جول بەرىلگەن بۇزۋشىلىقتار ءۇشىن 284 لاۋازىمدى تۇلعا تارتىپتىك جاۋاپكەرشىلىككە تارتىلدى، 65ء-ى اكىمشىلىك جاۋاپكەرشىلىككە تارتىلدى، دەپ حابارلايدى Almaty-akshamy.kz باس پروكۋراتۋراعا سىلتەمە جاساپ. 
مىسالى، اعىمداعى جىلدىڭ باسىنان باستاپ ماڭعىستاۋ وبلىسى پروكۋراتۋراسىنىڭ باستاماسىمەن اقتاۋ قالاسىنىڭ اۋماعىندا «كەدەرگىسىز قالا» پيلوتتىق جوباسى ىسكە قوسىلدى جانە اي سايىن حالىقتىڭ از قوزعالاتىن توپتارى ءۇشىن قولجەتىمدىلىگى قيىن ينفراقۇرىلىم وبەكتىلەرىن انىقتاۋ بويىنشا كوشپەلى ءىس-شارالار وتكىزىلەدى.
وسىلايشا، جوبانى ىسكە اسىرۋ بارىسىندا پروكۋرورلار اقتاۋ قالاسىنىڭ اۋماعىندا مۇگەدەكتىگى بار ادامداردى ەرىكسىز ۇستاپ، ادامدار كوپ جينالاتىن جەرلەردە قايىر سۇراۋعا ماجبۇرلەيتىنى تۋرالى اقپارات الدى.
ماڭعىستاۋ وبلىسى پروكۋرورىنىڭ قاۋلىسى نەگىزىندە پوليسيا ورگاندارى ءبىرقاتار ءىس-شارالار جۇرگىزدى، ناتيجەسىندە ادام ساۋداسى فاكتىسى بويىنشا سوتقا دەيىنگى تەرگەۋ باستالدى. وسى قىلمىستىق ءىس اياسىندا 2024 جىلعى 22 ساۋىردەاقتاۋ قالاسىنىڭ اۋماعىندا قۇقىق بۇزۋشىلىق جاساۋعا قاتىسى بار 5 ادام ۇستالدى.
تاعى ءبىر مىسال، باس پروكۋراتۋراعا 2ء-شى توپتاعى مۇگەدەك ايەل پاتەرمەن جاسالعان مامىلەنىڭ جارامسىزدىعى تۋرالى سوت اكتىلەرىنە نارازىلىق ءبىلدىرۋ تۋرالى وتىنىشحاتپەن جۇگىنگەن.
قانت ديابەتىمەن اۋىرعان ول بىرنەشە رەت وتا جاساپ، ونىڭ بارىسىندا اياق-قولدارى كەسىلگەن.
2022 جىلدىڭ مامىر ايىندا ول ەرلى-زايىپتىلاردان 9 ميلليون تەڭگەگە پاتەر ساتىپ الدى. كەيىننەن بۇرىنعى يەلەردىڭ وتباسىلىق كەلىسپەۋشىلىكتەرى مەن ءوزارا مۇلىكتىك تالاپتارى بولدى، ناتيجەسىندە ولار ساتىپ الۋشىعا ساتىپ الۋ-ساتۋ شارتىنىڭ جارامسىزدىعى تۋرالى تالاپ قويدى.
ءوتىنىش بەرۋشى پاتەردى ساتىپ العان كەزدە ءۇشىنشى تۇلعالار تاراپىنان مۇلىككە تالاپ-ارىزدار بار ەكەنىن بىلمەگەنىن، الايدا ماڭعىستاۋ وبلىسىنىڭ سوتتارى ساتۋشىنىڭ تالاپتارىن قاناعاتتاندىرعانىن اتاپ ءوتتى.
ناتيجەسىندە، وتباسىلىق جانجالدىڭ كەپىلىنە اينالعان ايەل پاتەردەن دە، وعان بەرىلگەن اقشادان دا ايىرىلدى.
ءوتىنىش بەرۋشىنىڭ قۇقىقتىق قورعاۋدىڭ بارلىق مۇمكىندىكتەرى تاۋسىلعانىن ەسكەرە وتىرىپ، باس پروكۋرور ونىڭ مۇددەسىنە نارازىلىق ءبىلدىردى، ونى جوعارعى سوت قاناعاتتاندىردى. ساتۋشى مەن ساتىپ الۋشى اراسىندا جاسالعان پاتەردى ساتىپ الۋ-ساتۋ شارتىن جارامسىز دەپ تانۋدان باس تارتىلدى.
ءوزىن-وزى قورعاي المايتىن ازاماتتاردىڭ قۇقىقتارىن قورعاۋ پروكۋراتۋرا ورگاندارى قىزمەتىنىڭ باسىم باعىتتارىنىڭ ءبىرى بولىپ تابىلادى.