عىلىم جانە جوعارى ءبىلىم ءمينيسترىنىڭ بۇيرىعىمەن 2023 جىلعى 1 شىلدەدەن باستاپ جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىندا پروفەسسور-وقىتۋشىلار قۇرامى ءۇشىن ۇسىنىلاتىن ەڭ تومەنگى جالاقى مولشەرى انىقتالدى، دەپ حابارلايدى Almaty-akshamy.kz Zakon.kz-كە سىلتەمە جاساپ.
وسىلايشا، شتاتتاعى پروفەسسور-وقىتۋشىلار قۇرامى ءۇشىن ۇسىنىلاتىن ەڭ تومەنگى جالاقى مولشەرى:
- وقىتۋشىعا – 240 000 تەڭگە؛
- اعا وقىتۋشىعا – 276 000 تەڭگە؛
- قاۋىمداستىرىلعان پروفەسسورعا – 312 000 تەڭگە؛
- پروفەسسورعا – 420 000 تەڭگە؛
- ۇلتتىق ججوكبۇ-ى پروفەسسورىنا – 480 000 تەڭگە.
قازاقستان رەسپۋبليكاسى عىلىم جانە جوعارى ءبىلىم مينيسترلىگىنىڭ جوعارى جانە جوعارى وقۋ ورنىنان كەيىنگى ءبىلىم كوميتەتىنە بۇيرىقتى ججوكبۇ اتقارۋشى ورگانى باسشىلارىنا جەتكىزۋ تاپسىرىلدى.