2-5 تامىز كۇندەرى بىرىككەن اراب امىرلىكتەرىنىڭ استاناسى ابۋ-دابيدە 12-13، 14-15 جانە 16-17 جاس ارالىعىنداعى جاcوسپىرىمدەر اراسىندا ارالاس جەكپە-جەكتەن (مما) الەم چەمپيوناتى ءوتىپ جاتىر، دەپ حابارلايدى Almaty-akshamy.kz.
بۇل جارىس تاريحتاعى ەڭ ءىرى جاسوسپىرىمدەر اراسىنداعى الەم چەمپيوناتى بولدى. وعان 46 ەلدەن 653 سپورتشى قاتىسىپ جاتىر. قازاقستان نامىسىن 14-15 جانە 16-17 جاس ارالىعىنداعى جاسوسپىرىمدەر قۇراماسىندا 35 سپورتشى قورعايدى.
"ەكىنشى جارىس كۇنىنىڭ قورىتىندىسى بويىنشا 40 كەلىگە دەيىنگى سالماقتا ماڭعىستاۋ وبلىسىنىڭ وكىلى ەركەبۇلان يسلامامي الەم چەمپيونى اتاندى. فينالدا قازاقستان سپورتشىسى ليۆاندىق سپورتشى ومار انتارمەن كەزدەستى. تورەشىلەر ءبىراۋىزدان جەڭىستى قازاقستاندىق سپورتشىعا بەردى"، - دەلىنگەن حابارلامادا.
تاعى ءبىر جۇلدەگەر - تۇركىستان وبلىسىنىڭ سپورتشىسى ورىنباسار پەردەبەك 44 كەلىگە دەيىنگى سالماق دارەجەسىندە ءۇشىنشى ورىنعا يە بولدى. قازاقستاندىق سپورتشى ۋكراينا مەن بولگاريا وكىلدەرىن جەڭىپ، جارتىلاي فينالدىق كەزدەسۋدە الەم چەمپيونى اتانعان پولشا وكىلى كساۆەر موسينگتەن تورەشىلەر شەشىمىمەن جەڭىلىپ قالدى.
16-17 جاس ارالىعىنداعى جەكپە-جەكتەر بۇگىن استانا ۋاقىتىمەن ساعات 12:00-دە باستالادى.