ۇزاققا سوزىلعان پروسەسس ناتيجەسىندە ءبىر كەزدەرى قازاق دالاسىندا جايىلعان جىلقى ءتۇرىن قايتا وسىرۋگە مۇمكىندىك تۋدى.
ۆەنگريا اۋىل شارۋاشىلىعى مينيسترلىگىنىڭ باسشىسى يشتۆان ناگي قازاقستاندىق دەلەگاسيامەن كەزدەسۋدە حورتوباد ۇلتتىق ساياباعىندا پرجيەۆالسكييدىڭ 300-گە جۋىق جىلقىسى بارىن ايتتى، دەپ حابارلايدى aqshamnews.kz
"بۇل جىلقىلار قازاقستان دالاسىندا بۇرىن بولعان، ءبىراق قازىرگى ۋاقىتتا تەك ۆەنگريادا بار. ءبىز سىزدەرگە جىلقىنىڭ وسى ءتۇرىن اكەلەمىز، ولار قازاق دالاسىندا جايىلىپ كوبەيسىن. ەكونوميكالىق جانە ازىق-تۇلىك سەبەپتەرىنەن باسقا بۇل قادام جىلقىلاردىڭ وسى ءتۇرى ءۇشىن قانداي دا ءبىر اۋرۋ بولعان جاعدايدا قاۋىپسىزدىك ماسەلەلەرىن ارتتىرۋعا مۇمكىندىك بەرەدى. ءبىزدىڭ ەكى ەل اراسىنداعى ىنتىماقتاستىق وسىنداي كىشكەنتاي، ءبىراق وتە ماڭىزدى ساتتەردەن تۇرادى"، - دەپ اتاپ ءوتتى مينيستر.
ەستەرىڭىزگە سالا كەتەيىك، بىلتىر جازدا قازاقستانعا پراگا جانە بەرلين حايۋاناتتار باعىنان پرجيەۆالسكييدىڭ جەتى جىلقىسى اكەلىندى. بۇل جىلقىلار كەزىندە قازاق دالاسىندا كەڭ تاراعان، ءبىراق 19 عاسىردىڭ ورتاسىندا ادامداردىڭ ىس-ارەكەتى سالدارىنان جويىلىپ كەتكەن.