پرەزيدەنتتىڭ تاعى ءبىر كومەكشىسى تاعايىندالدى

11:37، 09 قىركۇيەك 2025

اقوردا

پرەزيدەنتتىڭ تاعى ءبىر كومەكشىسى تاعايىندالدى، - دەپ حابارلايدى aqshamnews.kz ءتىلشىسى.

"مەملەكەت باسشىسىنىڭ جارلىعىمەن قۋانىشبەك باقىتبەك ۇلى ەسەكەيەۆ قازاقستان رەسپۋبليكاسى پرەزيدەنتىنىڭ كومەكشىسى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى"، - دەلىنگەن حابارلامادا.

قۋانىشبەك ەسەكەيەۆ تۋرالى نە بەلگىلى؟

1975 جىلى الماتى قالاسىندا تۋعان.

ءال-فارابي اتىنداعى قازاق ۇلتتىق ۋنيۆەرسيتەتىن، ت. تىسقۇلوۆ اتىنداعى قازاق ەكونوميكا ۋنيۆەرسيتەتىن جانە Hult حالىقارالىق بيزنەس مەكتەبىن بىتىرگەن. ىسكەرلىك باسقارۋ ماگيسترى.

فيزيكا-ماتەماتيكا عىلىمدارىنىڭ كانديداتى.

ەڭبەك جولىن 1997 جىلى ءال-فارابي اتىنداعى قازاق ۇلتتىق ۋنيۆەرسيتەتىندە قولدانبالى ماتەماتيكا كافەدراسىندا اعا وقىتۋشى بولىپ باستادى.

1998-2000 جىلدارى – "قازاقويل" اكسيونەرلىك قوعامى اقپاراتتىق تەحنولوگيالار دەپارتامەنتىنىڭ ديرەكتورى؛

2000-2002 جىلدارى – "قازاقستان تەمىر جولى" رمم دەپارتامەنت باسشىسى؛

2002-2002 جىلدارى ق ر قارجى مينيسترلىگىنىڭ اقپاراتتاندىرۋ دەپارتامەنتىنىڭ ديرەكتورى؛

2002-2003 جىلدارى ق ر ەكونوميكا جانە بيۋدجەتتى جوسپارلاۋ مينيسترلىگىنىڭ اقپاراتتاندىرۋ دەپارتامەنتىنىڭ ديرەكتورى؛

2003-2004 جىلدارى – قازاقستان رەسپۋبليكاسى قارجى مينيسترلىگى اقپاراتتاندىرۋ دەپارتامەنتىنىڭ ديرەكتورى؛

2004-2006 جىلدارى – قازاقستان رەسپۋبليكاسى اقپاراتتاندىرۋ جانە بايلانىس اگەنتتىگى ءتوراعاسىنىڭ ورىنباسارى؛

2006-2007 جىلدارى – قازاقستان رەسپۋبليكاسى اقپاراتتاندىرۋ جانە بايلانىس اگەنتتىگى ءتوراعاسىنىڭ م.ا.

2007-2010 جىلدارى – قازاقستان رەسپۋبليكاسى اقپاراتتاندىرۋ جانە بايلانىس اگەنتتىگىنىڭ ءتوراعاسى؛

2010-2024 جىلدارى – "قازاقتەلەكوم" اكسيونەرلىك قوعامىنىڭ باسقارما ءتوراعاسى؛

2024 جىلعى 10 ماۋسىمدا مەملەكەت باسشىسىنىڭ وكىمىمەن قازاقستان رەسپۋبليكاسى پرەزيدەنتىنىڭ كەڭەسشىسى بولىپ تاعايىندالدى.