بۇگىن مەملەكەت باسشىسى ۇلتتىق قۇرىلتاي وتىرىسىندا ەلىمىزدىڭ الەۋمەتتىك، ەكونوميكالىق جانە يدەولوگيالىق ساياساتىنىڭ باستى باعىتتارىن ايقىنداپ، ماڭىزدى ماسەلەلەرگە توقتالدى. ونىڭ ىشىندە سالىق رەفورماسىنىڭ ماڭىزى، يدەولوگيالىق جۇمىستى كۇشەيتۋ، مادەنيەتتى قولداۋ، سونداي-اق وڭىرلەردىڭ دامۋى قازاقستاننىڭ تۇراقتى ءوسۋىنىڭ نەگىزى ەكەنى اتاپ ءوتىلدى.
پرەزيدەنتتىڭ «قۋاتتى ايماقتار – قۋاتتى ەل» دەگەن ۇستانىمى الماتى ءۇشىن اسا ماڭىزدى. ەل ەكونوميكاسىنىڭ نەگىزگى قوزعاۋشى كۇشى رەتىندە ءبىزدىڭ قالامىز تەڭگەرىمدى دامۋدى قامتاماسىز ەتۋدە شەشۋشى ءرول اتقارادى. وسى تۇرعىدا سالىق تۇسىمدەرىن ءتيىمدى پايدالانۋ جانە قالا تۇرعىندارى ءۇشىن ناقتى پايداسى بار جوبالارعا ينۆەستيسيا تارتۋ باسىم باعىتتاردىڭ ءبىرى بولۋعا ءتيىس.
مەملەكەت باسشىسىنىڭ كاسىبي-تەحنيكالىق ءبىلىم بەرۋدى دامىتۋ تۋرالى ايتقان ويى دا وزەكتى. سەبەبى، ءبىزدىڭ قالامىز – عىلىم مەن يننوۆاسيانىڭ، كاسىپكەرلىكتىڭ ورتالىعى. ونەركاسىپ، تەحنولوگيا جانە كرەاتيۆتى سالالار ءۇشىن بىلىكتى كادرلار دايارلاۋ – مەگاپوليس ەكونوميكاسىن نىعايتىپ قانا قويماي، جاستارعا جاڭا مۇمكىندىكتەر اشادى.
سونىمەن قاتار، بايانداماسىندا قوعامدىق ەتيكانى رەتتەۋ، الاياقتىقپەن كۇرەسۋ جانە جات اعىمداردىڭ ىقپالىنا قارسى تۇرۋ ماسەلەلەرى كوتەرىلدى. بۇل رەتتە، ءبىز قۇقىقتىق مادەنيەتتى نىعايتۋ، ازاماتتىق قوعاممەن ءوزارا ءىس-قيمىلدى ارتتىرۋ جانە ءقاۋىپسىز ءارى ۇيلەسىمدى قالا ورتاسىن قالىپتاستىرۋ بويىنشا جۇمىستاردى جالعاستىرامىز.
جالپى، پرەزيدەنت ۇسىنعان باستامالار – ۋاقىت تالابىنا بەرىلگەن جۇيەلى ءارى ناقتى جاۋاپ، دەپ جازدى ءوزىنىڭ الەۋمەتتىك جەلىسىندە الماتى قالاسى ءماسليحاتىنىڭ ءتوراعاسى مەيىرجان وتانشييەۆ.