جاستار اراسىنداعى جۇمىسىزدىق ماسەلەسى شەشىلەدى دەپ سەنەدى.
جىل سوڭىندا جاستاردى جۇمىسپەن قامتي الماعان اكىمدەر جۇمىسىنا قورىتىندى بەرىلۋى مۇمكىن. قاسىم-جومارت توقايەۆ ۇكىمەتتىڭ كەڭەيتىلگەن وتىرىسىندا وسىلاي ايتتى، دەپ حابارلايدى Almaty-akshamy.kz Almaty.tv cىلتەمە جاساپ.
مەملەكەت باسشىسىنىڭ ايتۋىنشا، ەلىمىزدە ءالى كۇنگە ەكى قولعا ءبىر كۇرەك تاپپاي جۇرگەن جاس بۋىن قاتارى ازايماي تۇر. پرەزيدەنتتىڭ جۇمىسپەن قامتۋ ماسەلەسىن تولىق شەشۋ كەرەك دەگەنى رەسپۋبليكا جاستارىن ەرەكشە قۋانتتى. ايتۋىنشا، مەملەكەت باسشىسىنىڭ ءوزى كوڭىل بولسە، جىلدار بويعى ماسەلە شەشىمىن تابۋى مۇمكىن.
«راسىندا دا، بۇل ءبىر كۇردەلى سۇراق. قازاقستاندا عانا ەمەس، باسقا ەلدەردە دە بار. ونى شەشۋ ءۇشىن پرەزيدەنت ۇكىمەتكە ناقتى جىلدىڭ سوڭىنا دەيىن ۋاقىت بەرگەن. جاستاردىڭ بۇگىنگى كۇنى بولاشاعى ءبىزدىڭ ەكونوميكالىق دامۋىمىزعا بايلانىستى. سول ءۇشىن مەنىڭ ويىمشا، ول وتە ماڭىزدى كۇردەلى سۇراق»، – دەدى قازاقستان جاستار كونگرەسىنىڭ اتقارۋشى ديرەكتورى توقتار بولىسوۆ.