ارنايى قاۋلى قابىلداندى.
بۇگىن ق ر ورتالىق سايلاۋ كوميسسياسى 20 قاراشادا وتەتىن كەزەكتەن تىس پرەزيدەنت سايلاۋىنا كانديداتتاردىڭ مەملەكەتتىك ءتىلدى ەركىن مەڭگەرگەنىن انىقتايتىن كوميسسيا قۇرۋ تۋرالى قاۋلى قابىلدادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ق ر پرەزيدەنتتىگىنە كانديداتتىڭ مەملەكەتتىك ءتىلدى جەتىك مەڭگەرۋى ق ر كونستيتۋسياسىنىڭ 41-بابى بويىنشا لينگۆيستيكالىق كوميسسيانىڭ قاۋلىسىمەن انىقتالادى. وسك-نىڭ وسى ماسەلە بويىنشا قۇزىرەتى «قر-داعى سايلاۋ تۋرالى» كونستيتۋسيالىق زاڭنىڭ 54-بابىنىڭ 2-تارماعىندا كورسەتىلگەن. ناقتىراق ايتقاندا، وسى باپقا سايكەس، كونستيتۋتسيانىڭ 41-بابىنىڭ 2-تارماعىن رەسمي ءتۇسىندىرۋ تۋرالى كونستيتۋسيالىق كەڭەستىڭ شەشىمى بويىنشا مەملەكەتتىك ءتىلدى بىلۋدەگى كانديداتتىڭ بىلىكتىلىگىن انىقتاۋ ورتالىق سايلاۋ كوميسسياسىنىڭ شەشىمىمەن ايقىندالادى. ق ر كونستيتۋسياسىنىڭ 41-بابى 2- تارماعىن رەسمي ءتۇسىندىرۋ تۋرالى كونستيتۋسيالىق كەڭەستىڭ 1998 جىلعى 9 قازانداعى №280 قاۋلىسىنا سايكەس، ق ر كونستيتۋسياسىنىڭ 41-بابى 2-تارماعى نورماسىنىڭ مەملەكەتتىك ءتىلدى ەركىن مەڭگەرگەن دەگەن بولىگىندە «قازاق تىلىندە ساۋاتتى تۇردە وقيدى، جازادى، ءوز ويىن قينالماي وڭاي جەتكىزەدى جانە كوپشىلىك الدىندا سويلەي الادى» دەپ ايتىلعان»، - دەدى ق ر ورتالىق سايلاۋ كوميسسياسىنىڭ حاتشىسى مۇحتار ەرمان وسك وتىرىسىندا.
ونىڭ اتاپ وتۋىنشە، ق ر پرەزيدەنتتىگىنە كانديداتتىڭ مەملەكەتتىك تىلدە ەركىن مەڭگەرگەنىن انىقتاۋ وسك-نىڭ قاۋلىسىنا سايكەس، قۇرامى كەمىندە 5 ادامنان قۇرالعان ماماندار كىرەتىن لينگۆيستيكالىق كوميسسيانىڭ قورىتىندىسىمەن ايقىندالادى.
«وسك-نىڭ ق ر پرەزيدەنتتىگىنە كانديداتتىڭ مەملەكەتتىك ءتىلدى ەركىن مەڭگەرگەنىن انىقتاۋ ءراسىمى تۋرالى 2005 جىلعى 31 تامىزداعى №12/26 ارنايى قاۋلىسى بار. ق ر پرەزيدەنتتىگىنە كانديداتتىڭ مەملەكەتتىك ءتىلدى ەركىن مەڭگەرگەنىن انىقتاۋ ءۇشىن ءبىرىنشى، لينگۆيستيكالىق كوميسسيا ۇسىنعان تاقىرىپ بويىنشا كولەمى 2 بەتتەن اسپايتىن جازباشا تاپسىرما جازادى. ەكىنشى، لينگۆيستيكالىق كوميسسيا ۇسىنعان كولەمى 3 بەتتەن اسپايتىن ءماتىندى وقۋ. ءۇشىنشى، لينگۆيستكالىق كوميسسيا ۇسىنعان تاقىرىپ بويىنشا كوپشىلىك الدىندا 15 مينۋتتان كەم ەمەس ءسوز سويلەۋ تالاپ ەتىلەدى»، - دەدى ول.