بۇل تۋرالى مەملەكەتتىك قىزمەت ىستەرى اگەنتتىگىنىڭ كەڭەيتىلگەن القا وتىرىسىندا ايتىلدى.
مەملەكەتتىك قىزمەت ىستەرى اگەنتتىگىنىڭ ءتوراعاسى دارحان جازىقبايەۆتىڭ مالىمەتىنشە، وتكەن جىلى اگەنتتىك مەملەكەتتىك اپپارات قىزمەتىن وڭتايلاندىرۋ، مەملەكەتتىك قىزمەتشىلەردىڭ الەۋمەتتىك جاعدايىن جاقسارتۋ، مەملەكەتتىك قىزمەتكە نەعۇرلىم باسەكەگە قابىلەتتى جانە دارىندى جاستاردى تارتۋعا باعىتتالعان ءبىرقاتار ءىس-شارالاردى جۇزەگە اسىردى، دەپ حابارلايدى Almaty-akshamy.kz.
«اگەنتتىك ستراتەگيالىق قۇجاتتاردى، مەملەكەت باسشىسىنىڭ تاپسىرمالارىن، پرەزيدەنت جولداۋلارىندا قويىلعان نەگىزگى مىندەتتەردى جۇزەگە اسىرۋ بويىنشا جۇيەلى جۇمىس ىستەپ كەلەدى. 2021 جىلى اگەنتتىك پرەزيدەنتتىك جاستار كادر رەزەرۆىنە كەزەكتى ىرىكتەۋ وتكىزىپ، قورىتىندىسىندا رەزەرۆكە 50 ادام قابىلداندى. العاش رەت پرەزيدەنتتىك جاستار كادر رەزەرۆى 2019 جىلى ۇيىمداستىرىلىپ، 300 مامان ىرىكتەلگەن ەدى. قازىرگى ۋاقىتتا 350 ادامنىڭ 209-ى ياعني 60 پايىزى جۇمىسقا ورنالاستىرىلدى»، - دەدى دارحان جازىقبايەۆ اگەنتتىكتىڭ كەڭەيتىلگەن القا وتىرىسىندا.