عالىمدار مەن ساراپشىلاردان قۇرىلعان كوميسسيا ارحيۆتەردە، جابىق قورلاردا اۋقىمدى زەرتتەۋلەر جۇرگىزگەن.
پرەزيدەنت قاسىم-جومارت توقايەۆ مەملەكەتتىك كەڭەسشى ەرلان ءقاريننىڭ ساياسي قۋعىن-سۇرگىن قۇرباندارىن تولىق اقتاۋ جونىندەگى مەملەكەتتىك كوميسسيانىڭ جۇمىسى تۋرالى ەسەبىن تىڭدادى، دەپ حابارلايدى Almaty-akshamy.kz اقورداعا سىلتەمە جاساپ.
«مەملەكەت باسشىسىنا ساياسي قۋعىن-سۇرگىن قۇرباندارىن تولىق اقتاۋ جونىندەگى مەملەكەتتىك كوميسسيا ماتەريالدارىنىڭ نەگىزىندە دايىندالعان كوپتومدىق تانىستىرىلدى»، - دەپ جازدى اقوردانىڭ رەسمي سايتى.
مەملەكەتتىك كوميسسيانىڭ قىزمەتى عىلىمي-زەرتتەۋ جۇمىستارىنا باعىتتالعان. بەلگىلى عالىمدار مەن ساراپشىلاردان قۇرىلعان كوميسسيا مۇشەلەرى ەلىمىزدىڭ ارحيۆتەرىندە، جابىق قورلاردا اۋقىمدى زەرتتەۋلەر جۇرگىزدى. قۇزىرلى مەملەكەتتىك ورگاندارمەن بىرلەسىپ، ۆەدومستۆولىق ارحيۆتەردى قۇپياسىزداندىرۋعا جانە قۋعىن-سۇرگىن قۇرباندارىن اقتاۋعا قاتىستى جۇمىس جۇرگىزىلىپ جاتىر.
«مەملەكەت باسشىسىنا ءارتۇرلى قۋعىن-سۇرگىن ساناتتارى بويىنشا قۇجاتتار مەن ماتەريالدار نەگىزىندە قۇراستىرىلعان 31 تومدىق قۇجات تانىستىرىلدى»، - دەپ مالىمدەدى ق ر پرەزيدەنتىنىڭ باسپا ءسوز قىزمەتى.
بيىل دا مەملەكەتتىك كوميسسيا قۋعىن-سۇرگىن قۇرباندارىنىڭ تاريحىن زەرتتەۋ، ارحيۆ قۇجاتتارىن سيفرلاندىرۋ جانە ەلەكتروندى قورلاردى قالىپتاستىرۋ باعىتىنداعى جۇمىسىن جالعاستىرا بەرەدى.