قاسىم-جومارت توقايەۆ زارداپ شەككەن 4 ايماقتاعى وبلىس اكىمدەرىمەن تەلەفون ارقىلى بايلانىستى، دەپ حابارلايدى اlmaty-akshamy.kz اقورداعا سىلتەمە جاساپ.
مەملەكەت باسشىسى قاسىم-جومارت توقايەۆ اقمولا، اقتوبە، قوستاناي جانە سولتۇستىك قازاقستان وبلىستارىنىڭ اكىمدەرىمەن تەلەفون ارقىلى سويلەستى.
اتالعان وبلىستاردىڭ اكىمدەرى پرەزيدەنتكە وڭىرلەردەگى احۋال جايىندا، تابيعي اپاتپەن كۇرەسۋ جانە سۋ تاسقىنىنىڭ زارداپتارىن جويۋ ءۇشىن قابىلدانعان شارالار جونىندە ەسەپ بەردى.
"ايماق باسشىلارىنىڭ ايتۋىنشا، جالپى جاعداي ءجىتى باقىلاۋدا، تابيعي اپاتپەن كۇرەسۋ ءۇشىن ادام كۇشى دە، تەحنيكا دا جەتكىلىكتى."،- دەلىنگەن حابارلامادا.
پرەزيدەنتتىڭ تاپسىرماسىمەن رەسپۋبليكالىق شتابقا جەتەكشىلىك ەتەتىن پرەمەر-مينيستر ولجاس بەكتەنوۆ باستاعان ۇكىمەت مۇشەلەرى سۋ تاسقىنىنان زارداپ شەككەن ايماقتارعا جىبەرىلگەن بولاتىن.
ازاماتتاردىڭ قاۋىپسىزدىگىن قامتاماسىز ەتۋ، ولاردىڭ كەرەك-جاراعىن شەشۋ باعىتىندا اۋقىمدى جۇمىس اتقارىلىپ جاتىر.