پرەزيدەنت: «ەڭ باستىسى – تۇتىنۋشىلار ءۇشىن اۆتوموبيلدەر مەن اۋىل شارۋاشىلىعى تەحنيكاسىنىڭ قولجەتىمدىلىگىن ارتتىرۋ»
ق ر پرەزيدەنتى قاسىم-جومارت توقايەۆ ۋتيلدىك الىم مولشەرلەمەسىنە قاتىستى پىكىر ءبىلدىردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ۋتيلدىك الىم بويىنشا ءبىز شەشىم قابىلدادىق. بارلىق قاراجات مەملەكەتكە تۇسەدى. ەندى ستاۆكالاردىڭ مولشەرىن انىقتاۋ قاجەت. جۇمىس توبى بۇل ماسەلەنى بەلسەندى تالقىلاۋدا. بىردەن ايتا كەتۋ كەرەك، ۋتيلدىك الىمدى ءبىز قايتا قارايمىز. ءبىراق شەكتەن شىعۋدان اۋلاق بولۋ كەرەك. اۆتوونەركاسىپتى دامىتۋعا جۇمسالعان اقشانى جەلگە شاشىپ، يمپورتتىق ەسكى كولىكتەر اعىنىنا ءوز نارىعىمىزدى اشۋعا بولمايدى»، - دەدى مەملەكەت باسشىسى.
سونداي-اق، بۇل سالاداعى رەفورما قايتا وڭدەۋ نەمەسە تىركەۋ جارناسىن وزگەرتۋ ءۇشىن عانا قولعا الىنباعانىن ەسكە سالدى.
«ەڭ باستىسى – تۇتىنۋشىلار ءۇشىن اۆتوموبيلدەر مەن اۋىل شارۋاشىلىعى تەحنيكاسىنىڭ قولجەتىمدىلىگىن ارتتىرۋ. مەن وندىرۋشىلەر مەن ديستريبيۋتورلاردىڭ ءتيىستى رەاكسياسىن كۇتەمىن. ۇكىمەتتىڭ الدىن الا دايىنداعان بايانداماسى ونىڭ دۇرىس جولدا ەكەنىن كورسەتىپ وتىر»،- دەدى پرەزيدەنت.
ەسكە سالساق، بۇگىنگى وتىرىستا ق ر پرەمەر-مينيسترى ءاليحان سمايىلوۆ ۋتيلدىك الىمنىڭ مولشەرلەمەسى تومەندەتىلەتىنىن ايتتى.