بۇل تۋرالى ۇكىمەتتىڭ كەڭەيتىلگەن وتىرىسىندا ق ر پرەزيدەنتى قاسىم-جومارت توقايەۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«جەرگىلىكتى جەرلەردەگى، اۋداندىق دەڭگەيدەگى شاعىن جانە ورتا بيزنەستى دامىتۋ ماسەلەسىنە توقتالعىم كەلەدى. ايماقتاردا جۇمىستىڭ العا باسۋى اكىمگە بايلانىستى ەكەنى راس. كاسىپكەرلىك باستامانىڭ جولىن كەسىپ، تەجەيتىن دە كوبىنەسە اكىمدەر. بۇل - اششى اقيقات»، –دەدى قازاقستان پرەزيدەنتى.
مەملەكەت باسشىسى اكىمدەر ءتىپتى قارجىلاي كومەك بەرمەك تۇگىلى، زاڭ اياسىندا اكىمشىلىك قولداۋ دا كورسەتپەيتىندىگىن باسا ايتتى.
«مۇنداي جونسىزدىكتى شۇعىل تۇردە دوعارۋ كەرەك. اۋدان اكىمدەرىنە ناقتى مەجە قويىلسىن. ولارعا جىل سايىن ءاربىر 10 مىڭ تۇرعىن ءۇشىن كەمىندە 100 جۇمىس ورنىن اشۋدى مىندەتتەگەن ءجون. ءبىز ەندى جۇمىس ءتاسىلىن وزگەرتەمىز. كاسىپكەرلەر اكىمنىڭ سوڭىنان جۇگىرمەۋى كەرەك. كەرىسىنشە، اكىم ينۆەستور تارتۋعا ۇمتىلۋى قاجەت»، - دەدى قاسىم-جومارت توقايەۆ.