جولداۋدى قولداۋ.
فيلوسوفيا، ساياساتتانۋ جانە ءدىنتانۋ ينستيتۋتى ساياسي زەرتتەۋلەر ورتالىعى ديرەكتورىنىڭ ورىنباسارى نۇركەن ايتىمبەتوۆ ۇلتتىق ەكونوميكانى العا جىلجىتپايتىن ماسەلەلەردى اتاپ ءوتتى. ونىڭ ايتۋىنشا، پرەزيدەنت ءوزىنىڭ جولداۋىندا بۇل ماسەلەلەردى شەشۋ جولدارىن كورسەتىپ كەتكەن.
«مىنا رەفورمانىڭ ءبىرىنشى ءتىزىمىن جاڭا ەكونوميكالىق ساياسات دەپ اتاۋى تەگىننەن-تەگىن ەمەس. پرەزيدەنتتىڭ ايتۋى بويىنشا، جالپى ەكونوميكانى ارتقا سۇيرەيتىن بىرنەشە فاكتورلار بار. ناقتى ايتار بولساق، ول - شيكىزاتقا تاۋەلدىلىك، سونىمەن قاتار، سيفرلاندىرۋ سالاسىنىڭ ءالى دە تولىقتاي ىسكە اسپاۋى، سالىق سالاسىنىڭ انىق، ناقتى ەمەستىگى. وسىنداي ۇلتتىق ەكونوميكانى ارتقا سۇيرەيتىن پروبلەمالاردى جويۋ ءۇشىن پرەزيدەنت ءوزىنىڭ بىرنەشە شەشىمىن ۇسىندى. ول - ادام كاپيتالىن دامىتۋ، سيفروۆيزاسيا سالاسىندا اۆتوماتيزاسيانى كۇشەيتۋ، بارلىق سالاعا الدىڭعى قاتارلى سيفرلى تەحنولوگيالاردى ەنگىزۋ. ويتكەنى بۇل دەگەنىمىز تابىستى ءبولۋدىڭ اشىقتىعىن، ادىلدىگىن قامتاماسىز ەتەدى»، - دەيدى فيلوسوفيا، ساياساتتانۋ جانە ءدىنتانۋ ينستيتۋتى ساياسي زەرتتەۋلەر ورتالىعى ديرەكتورىنىڭ ورىنباسارى نۇركەن ايتىمبەتوۆ.