مەملەكەت باسشىسىنا ۇلتتىق بانكتىڭ بيىلعى ءبىرىنشى جارتىجىلدىقتا جۇزەگە اسىرعان اقشا-كرەديت ساياساتىنىڭ الدىن الا قورىتىندىلارى جونىندە ەسەپ بەرىلدى، دەپ حابارلايدى Almaty-akshamy.kz.
قاسىم-جومارت توقايەۆقا الەمدەگى جانە قازاقستانداعى ەكونوميكالىق احۋال، ينفلياسيا فاكتورلارى مەن ونى تومەندەتۋ ءۇشىن قابىلدانىپ جاتقان شارالار، تولەم بالانسىنىڭ ديناميكاسى، سونداي-اق بجزق، ۇلتتىق قور اكتيۆتەرى مەن التىن-ۆاليۋتا رەزەرۆتەرىنىڭ جاي-كۇيى تۋرالى باياندالدى.
عالىمجان ءپىرماتوۆتىڭ ايتۋىنشا، ۇلتتىق بانك قابىلداعان شارالاردىڭ ناتيجەسىندە ينفلياسيا باسەڭدەپ كەلەدى جانە بانك بولجامىنا ساي قالىپتاسىپ وتىر. سونىمەن قاتار پرەزيدەنتكە اشىق بانكينگ تۇجىرىمداماسىن قولدانىسقا ەنگىزۋ جانە تولەم نارىعىن رەتتەۋ ماسەلەلەرى جونىندە مالىمەت بەرىلدى.
كەزدەسۋ سوڭىندا مەملەكەت باسشىسى اقشا-كرەديت ساياساتىن ءتيىمدى ىسكە اسىرۋعا باعىتتالعان مىندەتتەر جۇكتەدى.