«Zam-Zam Qazaqstan» تۋريستىك كومپانياسىنىڭ باسشىسى دانيار يلييەۆكە قاتىستى.
«Zam-Zam Qazaqstan» (زاڭدى اتاۋى – «Zam Zam store») كومپانياسىنىڭ جالعان قۇجات راسىمدەپ، قاجىلاردى زاڭسىز جولمەن ساۋد ارابياسىنا اپارىپ، جەرلەستەرىمىزگە ءجابىر كورسەتكەن ارەكەتى قوعامنىڭ نازارىن اۋداردى، دەپ حابارلايدى Almaty-akshamy.kz. قمدب ورتالىق اپپاراتىنا سىلتەمە جاساپ.
الايدا «Zam-Zam Qazaqstan» كومپانياسىنىڭ جەتەكشىسى دانيار يلييەۆ ءوزىنىڭ شاريعاتقا جانە زاڭعا قايشى ارەكەتىن مويىنداماي، ءمۇفتياتقا جالا جابۋمەن شەكتەلۋدە.
ول «31 ارنا» تەلەارناسىنىڭ «50/50» الەۋمەتتىك توك-شوۋىنىڭ 2023 جىلعى 29 ماۋسىم كۇنگى ەفيرىنە بەرگەن سۇحباتىندا ەشقانداي دالەلسىز، ءسوز جاۋاپكەرشىلىگىن سەزىنبەي «ءمۇفتيات تۋرفيرمالاردان ءار قاجى ءۇشىن 500 دوللار پارا الادى» دەگەن مازمۇندا اۋىر جالا جابۋدا.
ءمۇفتيات بۇل اقپاراتتىڭ جالعان ەكەندىگىن جانە قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى قازاقستان رەسپۋبليكاسىنىڭ 2014 جىلعى 5 شىلدەدەگى № 235-V قرز كودەكسىنىڭ 73-3 (جالا جابۋ، ياعني باسقا ادامنىڭ ابىرويى مەن قادiر-قاسيەتiنە نۇقسان كەلتiرەتiن نەمەسە ونىڭ بەدەلiن ءتۇسiرەتiن كورiنەۋ جالعان ءمالiمەتتەر تاراتۋ، كوپشiلiك الدىندا نەمەسە بۇقارالىق اقپارات قۇرالدارىن نەمەسە تەلەكوممۋنيكاسيالار جەلىلەرىن پايدالانا وتىرىپ جاسالعان ءدال سول ىس-ارەكەت) «جالا جابۋ» بابىنا سايكەس د.يلييەۆتىڭ ۇستىنەن سوتقا شاعىم تۇسىرەتىنىن حابارلايدى.
«سونىمەن قاتار قۇقىق قورعاۋ ورگاندارى قاجىلاردى وسىعان دەيىن الداپ، دالادا قالدىرعان اتالعان كومپانيانىڭ زاڭسىز ارەكەتتەرىنە تەز ارادا نازار اۋدارىپ، زاڭ بۇزۋشىلاردى قۇقىقتىق جاۋاپكەرشىلىككە تارتۋ بويىنشا ءتيىستى شارالار قولدانادى دەپ سەنەمىز.
قازاقستان ازاماتتارىن الداعى جىلدارى وسى سەكىلدى الاياقتاردىڭ تۇزاعىنا ءتۇسىپ قالماس ءۇشىن، قاجىلىق كونكۋرسىنان وتكەن، ياعني قاجىلىق ساپارىن ۇيىمداستىرۋعا قابىلەتتى دەپ تانىلعان، ءمۇفتيات جاريالاعان تىزىمگە ساي تۋروپەراتورلار قىزمەتىنە جۇگىنۋ قاجەتتىگىن تاعى دا قاپەرگە سالامىز»، - دەلىنگەن قمدب حابارلاماسىندا.